Латино дивата Џенифер Лопез е една од најголемите светски ѕвезди и малку нешта за неа и за нејзиниот живот се непознати во јавноста.
Сепак, она што многумина не го знаат е дека пејачката има две сестри Лесли и Линда, кои не се во шоубизнисот и ретко се појавуваат во јавноста.
Сега на Инстаграм се појавија нивни заеднички фотографии од неодамнешната прослава на американскиот „Ден на благодарноста“.
На фотографија објавена од Линда може да се видат среќните сестри Лопез во природно издание.
„Инстаграм против реалноста“, напиша таа под двете фотки.
Линда и Лесли не се од јавниот свет како сестрата Џенифер. Линда е помлада од Џенифер и работи како новинарка во Њујорк, а Лесли е најстарата од сестрите и е вработена како професорка по музика во училиште во Бронкс, каде што сестрите пораснале заедно.
