Легендарниот фудбалски селектор Жозе Мурињо направи интересна опсервација пред баражот натпревари за пласман на Светското првенство, а во неговата анализа се најде и македонската репрезентација која в четврток ќе се соочи со селекцијата на Италија на гостински терен.
– Сите со нетрпение го очекуваат евентуалниот финален натпревар помеѓу Италија и Португалија, но за да се случи таква пресметка, најпрво двете репрезентации ќе треба да одиграат квалитетно во полуфиналните средби. Гледам дека сите веќе ја отпишаа Турција против Португалија и ја отпишаа Македонија против Италија. Но, јас би се замислил. Тоа се две сериозни селекции и никогаш не би ги отпишал – изјави Мурињо.
Дуелот меѓу Македонија и Италија се игра в четврток во Палермо, со почеток од 20:45 часот.
