Дмитриј Песков, портпарол на рускиот претседател Владимир Путин, изјави дека „специјалната воена операција“, како што Кремљ ја нарекува инвазијата на Украина, може да заврши во „догледна иднина“, пренесува руската новинска агенција Тас.
Песков го коментираше вчерашното интервју за британскиот „Скај њуз“ и рече дека „Русија се надева дека операцијата ќе ги постигне своите цели или ќе заврши благодарение на преговорите меѓу руската и украинската делегација во следните неколку дена, во догледна иднина“.
Кога новинарите денеска го прашаа дали навистина може да биде прашање на денови, Песков рече:
„Зборуваме за догледна иднина.
На прашањето на што се засноваат ваквите предвидувања, Песков рече: „Операцијата продолжува и нејзините цели се постигнуваат“.
На крајот Песков рече:
„Нашата армија врши одлична работа во однос на унапредувањето на операцијата, а резултатите ги постигнуваат преговарачите кои разговараат со своите украински колеги“, рече Песков.
