Во кражба во луксузниот дом на Дејвид и Викторија Бекам во западен Лондон, украдени се работи вредни „илјадници фунти“, објавија британските медиуми.
Се верува дека кражбата на куќата на двојката во Кенсингтон се случила доцна во вечерните часови на 28 февруари додека Бекамови биле во неа со нивната 10-годишна ќерка.
Според Сан, кражбата не била откриена се додека синот Круз Бекам (17) не се вратил дома од ноќно излегување и не пронашол скршен прозорец и ограбена спална соба.
Портпаролот на лондонската полиција потврди за медиумите дека околу полноќ на 1 март, полициски службеници одговориле на извештаите за кражба во куќа во областа W11 во Кенсингтон.
Тој додаде дека се пријавени неколку предмети за украдени.
Се уште нема уапсени, а истрагата е во тек.
Според Sun, предметите што исчезнале вклучувале „дизајнерски и електрични предмети во вредност од илјадници фунти“.
