Според информациите кои допираат до нас за движењето на руските трупи во Украина, во моментов жестоки броби се одвиваат во околината на градот Николево, што е резултат на претходното освојување на Херсон, а раноизутринава голема акција беше извршена и во делот на областа Запорожје, каде голема паника предизвикаа борбите во непосредна близина на нуклеарната централа.
Објавена е и карта на дејствијата на руската војска во Украина, на кои може да се види напредувањето во последните 24 часа.
Во моментов е неизвесна судбината на бранителите на Харков и Мариупол, кои се во потполност отсечени и се наоѓаат под опсада. На профилот на Твитер на Министерството за одбрана на Украина објавени се фотографии, на кои може да се види состојбата во овие градови, кои со денови се наоѓаат под дејствијата на руската авијација.
Украинската Рада објави и снимки од гранатирањето на градот Житомир, каде тешко е оштетена зградата на локалното средно училиште.
Кинеското Министерство за надворешни работи денеска ги повика сите страни да ја гарантираат безбедноста на нуклеарните постројки на Украина, откако избувна пожар во комплексот на нуклеарната централа Запорожје по напад на руските сили.
Во меѓувреме, кинеските медиуми објавија карта на воените операции во Украина, составена од домашните аналитичари.
