Напаѓачот на Милан и шведски репрезентативец Златан Ибрахимовиќ се дружеше со возачот на Ферари, Карлос Саинц во Маранело.
По тој повод Саинч изјави дека негов омилен играч на сите времиња е прославениот француски репрезентативец Зинедин Зидан, на што Златан рече „Во ред, навистина го сакам Зидан“.
На официјалниот сајт на УЕФА е објавено интервју со Ибрахимовиќ од таборот на Ферари, а Златан во свој стил изјави дека ќе игра додека не види некој подобар од себе.
– Ќе играм додека не видам подобро од мене. Значи, сепак ќе играм. Знам дека еден ден нема да го имам тој адреналин што ме влече сега. Но, тоа е проблем на секој фудбалер. Ние сме програмирани на еден начин, секој ден е ист – спиеш, јадеш, тренираш. После 20 години таков живот, адреналинот мора да падне. Но, полека, ако наеднаш застанеш, не знаеш што да правиш со себе, и мораш да направиш нешто ново, одново – изјави Ибрахимовиќ.
Ибрахимовиќ иако има 40 години не се откажува, а наводно Милан подготвил нов договор за искусен напаѓач.
– Иднината допрва треба да се пишува. Немам намера да се пензионирам, а потоа да се каам и да сфатам дека можев да направам повеќе. Сакам да играм што е можно подолго, додека не се појави некој подобар – изјави Ибрахимовиќ.
