Јога вежбите не се наменети само за возрасни, туку и за деца, бидејќи само длабокото дишење може да им помогне да се смират, да се релаксираат и да се ослободат од стресот и стравовите. Јогата за деца се изведува на ист начин како и јогата за возрасни, а само треба да се погрижите правилно да се изведуваат позициите, велат експертите.
Јогата го подобрува физичкото и менталното здравје на децата и влијае на нивниот развој. Ја подобрува силата, стабилноста и координацијата, а исто така ја подобрува концентрацијата, подобра меморија и го намалува стресот. Одредени истражувања покажаа дека јогата помага и кај одредени состојби кај децата како што се нарушување на хиперактивноста со недостаток на внимание и аутизам.
Јогата за деца треба да биде забавна
Јогата за деца треба да биде забавна за да биде активност на која секогаш ќе се навраќаат. Создадете пријатна средина, а одредени играчки или гледање видеа на интернет може да ви помогнат. Од јогата можете да направите игра, само треба да бидете доволно креативни.
Можете да користите различни пози и да креирате приказна за нив, па следете ја изведбата на позите со ослободување на животински звуци. Можете да раскажете и приказна преку јога со децата, така што секоја нова позиција е продолжение на претходниот настан. Научете ги децата да изведуваат позиции на таков начин што прво ќе ги покажете, а потоа децата ве следат. Исто така, обидете се со техники на дишење и медитација и забележете како реагира детето.
