More

    Зеленски раскажува како избегнал сигурен атентат на 24 февруари

    spot_img

    Во интервју за магазинот „Тајм“, украинскиот претседател открива дека уште на почетокот на војната на 24 февруари, руските војници двапати се обиделе да упаднат во претседателскиот комплекс додека тој и неговото семејство биле внатре, пренесува Телеграф.

    Неговите сеќавања од тие први часови се „фрагментирани“, се вели во интервјуто. По почетокот на бомбашкиот напад доцна во ноќта, тој и неговата сопруга Олена Зеленска отишле да им кажат на ќерката (17) и синот (9) да се подготват да избегаат од дома.

    – Ги разбудивме. Беше гласно. Таму имаше експлозии – изјави Зеленски за Тајм.

    Украинската армија му рекла на Зеленски дека руски напаѓачки тимови од падобранци дошле во Киев да го убијат или заробат него и неговото семејство.

    – Пред таа вечер такви работи гледавме само на филмови – изјави за магазинот Андриј Јермак, шефот на неговиот кабинет.

    Пукањето избувнало околу владиниот округ кога паднала ноќта на првиот ден од војната. Стражарите во кругот ги исклучиле светлата и донеле панцири и автомати за Зеленски и десетина од неговите помошници. Еден од ретките функционери кои знаеле да користат оружје бил Алексеј Арестович, ветеран на украинската воена разузнавачка служба.

    – Тоа беше апсолутно лудило. Автоматизација за сите – изјави Арестовиќ за „Тајм“.

    Зеленски ги одбил британските и американските сили кои му понудиле да биде евакуиран на безбедно за да направи влада во егзил. Тој следната вечер излегол во дворот од претседателскиот комплекс и ја снимил познатат видео-порака на својот телефон, каде вели дека е тука заедно со украинскиот народ.

    Според Зеленски, во тој момент Зеленски тој навистина станал свесен за неговата улога во војната.

    – Разбираш дека луѓето гледаат. Ти си симбол. Мора да се однесуваш како што треба да се однесува шефот на државата – изјавил Зеленски за „Тајм“.

    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img