Во својот говор на Златните глобуси, Еди Марфи се пошегува на сметка на Вил Смит и неговиот неславен момент од минатогодишните Оскари. На легендарниот комичар му беше врачена наградата за животно дело Сесил Б. Демил на 80-тото доделување на наградите Златен глобус.
При примањето на наградата, Марфи одржа говор во кој го исмева својот колега Вил Смит за неславниот шамар на минатогодишното доделување на Оскарите.
Марфи ги сподели своите едноставни совети за долготрајна кариера, пишува Showbuzz.
„Платете ги даноците, внимавајте на вашата работа и не го земајте името на сопругата на Вил Смит во устата“, рече Марфи од сцената и ги насмеа сите, а неговиот говор стана хит на социјалните мрежи. мрежи.
Да потсетиме, за време на минатогодишното доделување на Оскарите, Смит се качи на сцената и го удри водителот на церемонијата Крис Рок, по лицето, откако комичарот се пошегува на сметка на неговата сопруга Џејда Пинкет Смит. Неполн час подоцна, Смит доби Оскар за најдобар актер за улогата во „Кралот Ричард“.
Академијата за филмски уметности и науки, која брои 9.900 членови, ги осуди постапките на Смит веднаш по доделувањето, а му беше забрането да присуствува на Оскарите на 10 години.
Неколку месеци по скандалот, Смит јавно му се извини на Рок во видеото кое го објави на Инстаграм.
