Европскиот завод за статистика (Евростат) објави дека лебот во цела Европска унија никогаш не бил поскап од сега.
Евростат нагласи дека цените на храната драстично пораснале низ Унијата поради, како што велат, руската инвазија на Украина, која значително ги наруши глобалните пазари. Во соопштението се потсетува дека Русија и Украина се главни извозници на житарки, маслодајни семиња и ѓубрива.
Минатиот месец годишната стапка на инфлација во еврозоната изнесуваше 9,1 отсто, што е историски максимум, додека цената на лебот во ЕУ порасна за 18 отсто во однос на август 2021 година.
Најголем раст на цените е забележан во Унгарија (66 отсто), потоа Литванија (33 отсто), Естонија и Словачка (32 отсто).
