More

    Државниот завод за ревизија се воздржува од давање целосно мислење за 2020 година

    spot_img

    Државниот завод за ревизија (ДЗР) се воздржува од давање мислење за тоа дали финансиските извештаи за Железници на РСМ-Транспорт АД за 2020 година биле реални и објективни, јавува МИА. Истовремено, ДЗР ги проверил другите аспекти на работењето на компанијата, како што се усогласеноста со законската регулатива, упатствата и воспоставените политики. Ревизорскиот извештај е негативен.

    Од ДЗР, исто така, посочуваат дека не се добиени забелешки на нацрт извештајот од одговорното лице од Железници на РСМ – Транспорт АД.

    Еве ги клучните неправилности кои ги забележал ревизорот за 2020 година.

    – нереална проценета вредност на активата по основ на евидентиран гудвил, односно средствата на Друштвото на датумот на известување се преценети, а акумулираните загуби потценети за износот на

    евидентираниот гудвил;

    – пресметката на плата за вработените не е согласно законски и подзаконски акти;

    – со посебен акт не е утврден начинот на вршење на попис и истиот не е целосно спроведен со состојба 31.12.2020 година;

    – необјективно искажување на позициите за краткорочни побарувања од купувачи и краткорочни обврски кон добавувачи;

    – недоследности во постапките за доделување на договори за јавна набавка.

    Ревизорот, во извештајот како прашања за неизвесност и континуитет ги истакнува континуираната годишна загуба на Друштвото и недоволното средства на годишно ниво за субвенционирање на трошоците за патнички сообраќај од Буџетот на државата како услуга од јавен интерес, како и тоа што има судски постапки кои се во тек во кои тужена страна е Друштвото во износ од 154.018 илјади денари.

    Клучни препораки од Државниот завод за ревизија до Железници на РСМ – Транспорт АД се:

    – донесување на правилник за плати, усогласување и утврдување на критериуми за пресметка на плата;

    – утврдување на точноста на почетните состојби и влезните податоци во трговските книги и финансиски извештаи;

    – донесување на акт за вршење на попис и вршење на целосен годишен попис со усогласување на сметководствената со фактичката состојба;

    – водење на постапките за јавна набавка и реализација на склучените договори согласно пропишаните одредби

    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img