More

    Доделени наградите на филмскиот фестивал Астерфест

    spot_img

    Официјалното жири на 17-тиот „Астерфест“ во состав: Владимир Перовиќ, Мими Ѓоргоска-Илиевска, Мимоза Рајл, Столе Ангелов, донесе одлука и кратко образложение за наградите за кратките филмови во компетитивната програма.

    Златна потковица – СВЕДОК на Али Азгари (Иран Франција):

    Во реалноста, пред нашите очи се случуваат настани и се менуваат сликите на животот во еден навидум обичен ден. Таквите настани трајно можат да го изобличат нашиот живот, и да бидат ужасен товар што ќе не следи сè до судниот ден.

    Сребрена потковица – БОЖИЛАК на Александар Вујовиќ (Црна Гора / Италија / Албанија):

    Одблесоци на сеќавањата и една суптилно и чудесно раскажана приказна за тоа како детството е доминантно во трасирањето и отворањето на волшебните светови на уметникот.

    Бронзена потковица – ВО МОЈОТ УМ на Мартин Стренџ-Хансен (Данска):

    Убедлива, трогателна, иако на прв поглед чудна, приказна за верноста и вечната љубов.

    Награда за најдобар автор Ацо Алексов – ВУЈКО МИ ТУДОР на Олга Луковницова (Молдавија / Португалија / Унгарија / Белгија):

    Знаејќи дека најтешкото во документарниот филм е поставувањето на најдлабоките човекови прашања и највнатрешните негови трауми, храбрата авторка тоа го прави фасцинантно со еден извонреден филмски јазик.

    Награда за најдобро сценарио „Ѓорги Абаџиев“ – ЏЕЛАТОТ ДОМА на Мајкл и Ури Кранот (Франција / Данска / Канада):

    За залудноста и празнотијата на животот – од реалноста до песна, од песна до сценарио, беше тоа една деликатна задача за овој брачен режисерски пар. 

    Специјална диплома од жирито – РАСЕЛЕНИ на Самир Карахода (Косово):

    Длабокоумна авторска порака за траумите на луѓето во невозможноста да го изразат сопствениот потенцијал во својот дом.

    Фестивалот продолжува вечер со проекција на филмот „Журнал за Желимир Жилник“ на Јанко Баљак, во чест на лауреатот, и утре, со специјалната премиерна проекција на македонскиот документарен филм „Трн“ на авторите Никола Пијанманов и Столе Ангелов.

    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img