На АТП листата објавена во понеделник, 4 април, Новак Ѓоковиќ и понатаму е прв рекет во светот.
Данил Медведев не успеа да дојде до резултатот што му беше потребен на Мастерсот во Мајами за да се врати на првото место во светот. Дополнително, Русинот се повреди, па нема да биде на терен месец-два.
Новак Ѓоковиќ е првиот рекет во светот со 8.420 бодови, само десет повеќе од второпласираниот Медведев. Ѓоковиќ на првото место ја започна 364-та недела.
На третото место, една позиција подобропласиран од пред една недела е Александар Зверев, кој од таа позиција го помести сега веќе четвртопласираниот Рафаел Надал.
Петтото место го зазема Стефанос Циципас, шести е Матео Беретини.
Каспер Руд го замени Андреј Рубљев на седмото место. Руд е осми, а Феликс Огер-Алиасим е деветти. Камерон Нори со напредок од две места сега е десетти светски рекет.
Со освојувањето на Мастерсот во Мајами, Карлос Алкараз се искачи за пет места на листата и сега е 11-ти играч на планетата, а првите 20 по ред се: Јаник Синер, Тејлор Фирц, Хуберт Хуркач (-4), Денис Шаповалов, Диего Шварцман, Пабло Карењо Буста, Рајли Опелка, Роберто Баутиста Агут и Николас Басилашвили.
Миомир Кечмановиќ напредуваше за десет позиции, сега е 38-ми, додека Филип Крајиновиќ е едно место подобро пласиран од пред седум дена и 39-ти на листата. Две места послаб Душан Лајовиќ – е на 48. место. Исто толку позиции загуби и Ласло Гир, кој сега е 55-ти играч во светот. Никола Милојевиќ падна за 14 места – на 141. позиција.
Марин Чилиќ ја задржа 23. позиција. Дамир Џумхур загуби девет позиции. Најдобриот тенисер на Босна и Херцеговина е 145-ти во светот. Веднаш зад него е Аљаж Бедене, пет места послабо од пред седум дена. Блаж Рола има 180, а Нино Сердарушиќ кој напредуваше за 24 места сега е 183. Борна Ќориќ загуби 33 позиции и сега е 199-ти рекет во светот.
Роџер Федерер загуби 18 позиции. Швајцарецот сега е 44-ти рекет на планетата.
