Две третини од Бугарите стравуваат дека Москва ќе пријави напад врз објекти во Бугарија, додека повеќе од половина стравуваат дека Русија може да ги окупира, вели истражување спроведено од агенцијата ЕСТАТ во земјата. Истата анкета вели дека тројца од четворица Бугари се плашат од употреба на нуклеарно оружје, пренесува Б92.
Ова би можело да биде објаснување зошто таа земја не е за поостра политика кон Москва, пишува Еурактив. Бројките од 54 отсто кои стравуваат од руска окупација и 62 отсто од директен ракетен напад се во контраст со 41 отсто од испитаниците кои го поддржуваат членството на Бугарија во НАТО, а дури една третина се против. Сепак, половина од Бугарите очекуваат НАТО да ѝ помогне на земјата во случај на напад.
Истражувањето покажува и дека само 10 отсто од Бугарите ја знаат историјата на бугарско-руските односи, додека 80 отсто не се сигурни во нивното знаење, што создава плодна почва за руска пропаганда и искривување на историските факти.
Бугарската држава е создадена по Руско-турската војна од 1877-1878 година, но властите во Софија и по војната останале вазали на османлискиот султан, за да прогласат независност на почетокот на 20 век.
Мнозинството Бугари (61 отсто) не знаат дека Русија се противела на обединувањето на бугарските територии во 1885 година, а 42 отсто се убедени дека СССР не ѝ објавил војна на Бугарија во Втората светска војна.
