Две лица загинаа, а осум се повредени во пукотница вечерва во центарот на Тел Авив, соопшти болницата. Според полицијата, нејасен е мотивот за крвавиот инцидент.
Израелската амбуланта соопшти дека тоа се случило во улицата Дизенгоф, полна со луѓе на место каде има неколку барови и ресторани.
Телевизиските снимки покажаа голем број полицајци и работници за итна помош во центарот на градот.
– Терористот отвори оган одблиску и побегна пеш. Неколку лица се повредени – изјавил портпаролот на полицијата Ели Леви за телевизијата Канал 13.
Тој апелира до граѓаните да се држат настрана од тоа место.
Службата за итни случаи соопштила дека добила дојава за пукање на неколку локации и згрижила неколку луѓе.
