Декларација за исчезнатите лица во војната на Косово, со која ќе може меѓусебно да се разменуваат информации за наоѓање на овие лица се очекува да потпишат српскиот претседател Александар Вучиќ и косовскиот премиер Албин Курти на 18 август во Брисел, објави српска Нова.
Иако не е позната агендата на средбата, се вели дека новата рунда преговори ќе треба да ги смири неодамнешните тензии околу регистарските таблички на српските возила кога косовската влада реши да примени одлука за реципроцитет со Србија во врска со примената на документи. Во знак на револт, Србите на Косово поставија барикади на два гранични премини.
Според изворот за Нова, наесен се очекува да се реши и прашањето за враќањето на имотот и евентуалното враќање на раселените лица.
