Вооружен напаѓач уби три лица во ресторан во трговски центар во предградие на Индијанаполис во американската држава Индијана. Напаѓачот е убиен од вооружен случаен минувач, соопшти полицијата.
Напаѓачот вооружен со пушка влегол во трговскиот центар Гринвуд Парк и почнал да пука по луѓето во ресторанот, појасни шефот на полицијата на Гринвуд, Џим Ајсон.
Според Ајсон, две лица се повредени. Пребаран е целиот трговски центар, но, се верува дека нападот бил ограничен на делот за ресторани.
