Вредноста на доларот во однос на кошницата валути на девизниот пазар дополнително порасна, достигнувајќи ново највисоко ниво во последните 20 години.
Индексот на доларот кој ја покажува неговата вреднст во однос на другите шест најважни светски валути се движи околу 109,56 поени, а во еден момент достигна 109,99 поени.
Утрово курсот на доларот во однос на јапонската валута се искачи на 139,90 јени, а во еден момент првпат по 24 години се проби над нивото од 140 јени.
Американската валута зајакна во однос на европската, па цената на еврото повторно се лизна под границата од 1 долар, поточно на 0,9956 долари.
Еврото е под притисок бидејќи ризикот од рецесија во еврозоната се зголемува поради енергетската криза, додека рекордно високата инфлација во блокот ја притиска Европската централна банка за агресивно заострување на монетарната политика.
