Светскиот топмодел Адријана Лима за првпат го покажа трудничкиот стомак во црн фустан додека со своето момче Андреа Лемерс присуствуваше на ревијата на „Балмејн“ на Модната недела во Париз.
Познатата манекенка се одлучи за долг тесен фустан со проѕирни детали, а својот аутфит го надополни со златни сандали и гломазен златен накит на рацете.
Освен со трудничкиот стомак, Адријана го привлече вниманието и со речиси непрепознатливиот изглед. Таа, како и многу ѕвезди, се подложила на естетски зафати и филери, а во текот на бременоста тоа баш дошло до израз.
Набабреното и отечено лице на една од најубавите жени на светот не можеше да помине незабележано, но на црвениот тепих прошета во манир на кралица каква што е.
Меѓу присутните беа и Серена Вилијамс, бразилскиот фудбалер Нејмар, главниот уредник на британскиот „Вог“ Едвард Енинфул и дизајнерот Жан Пол Готје.
Да потсетиме, манекенката во своето прво видео на ТикТок објави дека чека дете со продуцентот, а бебето треба да се роди наесен.
Ова ќе биде прво заедничко дете на парот, а не е јасно кога започнала нивната љубовна врска. Едно од нивните први јавни настапи беше на Филмскиот фестивал во Венеција во септември 2021 година.
Адријана веќе има две ќерки Валентина и Сиена од бракот со српскиот кошаркар Марко Јариќ.
ФОТО: Инстаграм
