23.9 C
Ohrid
Monday, May 23, 2022

Ѓоковиќ загуби од Рубљов на Србија Опен

НАЈЧИТАНО

Новак Ѓоковиќ падна во финалето. Не успеа да го совлада Андреј Рубљов и да ја освои титулата на Србија опен. По голема борба и три сета, тој беше поразен  со 6:2, 6:7, 6:0, пренесува Мондо.

– Ова никогаш порано не ми се случило, можеби во раниот дел од мојата кариера… Го почувствував денес во Монте Карло, можеби тоа е поврзано со болеста што ја имав . Процесот на закрепнување трае подолго отколку што очекував. Се чувствував премногу уморен до крајот вториот сет, потоа тој гем на 5:4 во вториот сет… – изјави Ѓоковиќ.

Српскиот тенисер не ѝ се допадна на домашната публика која во голем број дојде да му даде поддршка, за тоа се извини на теренот, пред сѐ за лошата игра во третиот сет. По натпреварот имаше емотивни моменти кога им се заблагодари на членовите на тимот кои имаа најголемо влијание во неговата кариера, Маријан Вајда, Никола Пилиќ, Гебхард Фил-Грич и Миљан Амановиќ.

– Морам да ги гледам позитивните страни, финалето го играв пред своја публика, но останав без бензин во третиот сет, не можев да се борам повеќе од тоа.Честитки за Андреј за одличната недела.Тој е на врвот, меѓу најдобрите играчи во светот. Испаднав во првото коло, имав четири меча во три сета, уморен сум, но среќен сум затоа што успеав да добијам натпревари во три сета, што ќе значи за да ја продолжам сезоната на земјена подлога. Третиот сет беше сличен на оној во Монте Карло. Дали е поради болест или нешто друго – не знам, можеби е така. Тоа лошо чувство сега барем дојде во подоцнежна рунда, не на почетокот како во Монте Карло. Ролан Гарос е одлична цел, се надевам дека тогаш ќе бидам подготвен за натпревари во пет сета – вели Новак.

Медиумите беа заинтересирани да кажат нешто повеќе за болеста што го мачеше и го натера да игра послабо.

– Тоа нема никаква врска со короната. Не сакам да зборувам за детали, не е потребно. Тоа сериозно влијаеше на моето тело, на мојот метаболизам неколку недели. Немав доволно време да се подготвам за Монако. Се радував на тоа, сакав да играм таму, убаво е чувството да се игра на тие два турнири, но морам да гледам на позитивната страна, се подобрувам, играв натпревари во три сета, има позитивни работи , но малку е загрижувачки да имаш такви чувства, уште една причина за тоа што се случи, јас ги правам истите работи, секогаш сум бил меѓу најподготвените на турнирите. Немам проблем со телото, тоа се случи и тоа влијаеше на мене. Ќе се подобрува од недела во недела – уверува Ѓоковиќ.

- Advertisement -spot_img
- Advertisement -spot_img
- Advertisement -spot_img

СПОРТ

НАЈНОВО