More

    Што содржи германско – францускиот план за Косово?

    spot_img
    spot_img
    spot_img
    - Advertisement -

    Американскиот професор Даниел Сервер оцени дека најновата верзија на германско-францускиот план за нормализација на односите меѓу Косово и Србија е чекор во вистинска насока доколку целосно се спроведе, но со некои сомнителни дополнувања и отсуство на важни елементи.

    Сервер, професор на универзитетот „Џонс Хопкинс”, на блог објави дека во најновата верзија на планот до кој имал пристап има малку повеќе детали за уредувањето на српската заедница во Косово од претходно и оти не се спомнува признавањето на Косово од петте земји на ЕУ, ниту пак прашањето за реципроцитет на албанската заедница во Србија.

    Заштита на статусот на српската црква на Косово 

    За српската заедница во Косово, пишува Сервер, се зборува во членот 7 во кој се вели дека Косово и Србија „заемно се посветени на постигнување конкретни аранжмани, во согласност со релевантните инструменти на Советот на Европа и користење на постоечките европски искуства”, со цел да се обезбеди соодветно ниво на самоуправа за српската заедница во Косово и можност за обезбедување услуги на Косово.

    Во тој напис, пренесува Сервер, се споменува можноста за финансиска помош од Србија и директни канали за комуникација меѓу српската заедница и Владата на Косово и оти „страните ќе го официјализираат статусот на Српската православна црква на Косово и ќе обезбедат висок ниво на заштита на српското верско и културно наследство во согласност со постоечките европски модели”.

    Но, Србите веќе се застапени во Парламентот и во министерствата?

    Не се споменува, додава авторот, косовскиот Устав како основа за „конкретни аранжмани” и не е потребен реципроцитет за албанската заедница во Србија.

    Исто така, не е јасно кои услови би ја регулирале „можноста за финансиска помош за Србија”, ниту што значат „директни канали на комуникација” со Владата на Косово, вели Сервер и додава дека веќе постои Совет на заедниците што обезбедува таква комуникација со претседателот на Косово, како и застапеност на Србите и другите заедници во Парламентот и министерствата.

    FOTO MIA

    Црковниот имот во Дечани не се спомнува

    Што се однесува до Црквата, во француско-германскиот предлог не се споменува долгорочното прашање околу имотот на манастирот Дечани, пишува Сервер и додава дека тоа треба да се однесува на спроведувањето на соодветната одлука на Уставниот суд на Косово.

    Петте земји нема да мораат да го признаваат Косово

    Според Сервер, во планот нема очигледна референца за признавање на Косово од петте членки на ЕУ кои не го признаваат.

    „Можеби тоа не мора да го има во текстот, но би требало да се случи за да се убеди Косово дека нормализацијата е реална”, оценува Сервер и додава дека и со тие пет признавања овој договор не би се доближил до Основиот германско-германски договор, што е користен како урнек и што подразбираше дека и Сојузна Реублика Германија и Демократска Република Германија стануваат членки на Обединетите нации.

    „Таква можност овде нема, бидејќи Русија би побарала неприфатлива цена”, посочува Сервер.

    Полесно е да се притисне Косово отколку Србија

    Тој наведува дека се потребни напори на овој фронт бидејќи сите треба да бидат убедени дека е дојдено време да се откажат од своето противење на европската перспектива за Косово и оти ќе мора да се вклучат и Вашингтон и главните градови на ЕУ, а не само Лајчак.

    „Тие, исто така, ќе мора да извршат притисок и врз Белград и врз Приштина да ги направат потребните компромиси. Притисокот врз Косово одамна е очигледен. Релативно лесно е да се изврши притисок врз земја која нема друга опција освен да влезе во НАТО и ЕУ. Притисокот врз Србија е далеку помал”, пишува Сервер, наведувајќи дека Вучиќ одиграл успешна игра, балансирајќи меѓу Русија и Кина од една страна и ЕУ и САД од друга, но дека играта можеби сега е завршена.

    Нема договор, нема заеми за Србија

    Европејците ѝ поставија на Србија тежок ултиматум, чија специфична содржина е неизвесна, но лесно замислива – со закани за прекин на преговорите со ЕУ, укинување на фондовите за поддршка на ЕУ (кои Србија ги добива како кандидат), повторно воведување визи. обесхрабрување на инвеститорите од ЕУ, до можни дополнителни финансиски санкции (да речеме, недостапност на краткорочни комерцијални заеми) забрана за долгорочно кредитирање од страна на европските банки, ЕБОР и евентуално Светската банка и ММФ, и на крајот елементите на вистинско ембарго и можеби конфискација на имот.

    Нешто се придвижува во Србија

    Потсетувајќи на обраќањето на српскиот претседател, Александар Вучиќ, во понеделникот за француско-германскиот план за Косово и за последиците од негово неприфаќање, Сервер оценува дека нешто почнува да се движи и оти обраќањето на Вучиќ е првиот јасен чекор во подготовката на теренот за договор со Косово.

    „Сепак, сè уште не е јасно дали притисокот ќе биде доволен. Ќе треба да почекаме и да видиме”, заклучува авторот.

    - Advertisement -spot_img
    - Advertisement -spot_img
    - Advertisement -spot_img

    Десетгодишно девојче денеска е спасено од под урнатини, 39 часа откако силни земјотреси ја погодија јужна Турција

    Десетгодишно девојче денеска е спасено од под урнатини, 39 часа откако силни земјотреси ја погодија јужна Турција, јави агенцијата Анадолија. Девојчето од сириско потекло било спасено од...

    Бројот на загинатите расте, борбата по преживеани не запира

    Бројот на загинати во земјотресот во Турција и Сирија вчера надмина 6.200 луѓе и се очекува да продолжи да расте, додека пристигнуваат спасувачки тимови и меѓународна...

    Прашања и одговори за крипто-средствата

    Прашања и одговори за крипто-средствата Што се крипто-средства? Како изгледаат крипто-средствата? Кои се разликите меѓу крипто-средствата и суверените валути (пари)? Дали централните банки издаваат дигитални валути? Каква е улогата...

    Moda

    Екстравагантни изгледи на познатите од црвениот тепих на Греми наградите

    Црвениот тепих на синоќешното 65. Греми награди секако не разочара. Најголемите музички имиња секогаш присуствуваат на најзвучната музичка вечер, а ни овогодинешната награда не...

    Неочекуван тренд на хеланки оваа зима кои можете да ги носите во секое време и секаде

    Да, хеланките со винил и кожен ефект се враќаат! На полето на хеланки, минатата година видовме (речиси) сè: особено хеланките со селотејп кај нозете повторно...

    Тоа е најтренди боја на фармерки што ќе ја носиме во летото 2023 година

    Сивите фармерки се дефинитивно крој во кој вреди да се инвестира ова лето. Широки сиви фармерки - тренд кој им ласка на сите типови на...
    spot_img
    spot_img
    spot_img