8.9 C
Ohrid
Wednesday, October 5, 2022

Шефот на СЗО: На повидок е крајот на пандемијата, но не е толку блиску

НАЈЧИТАНО

Генералниот директор на Светската здравствена организација (СЗО) во четвртокот изјави дека крајот на пандемијата „Ковид-19“ секако е на повидок, но дека не е толку блиску, што ја ублажува изјавата што ја даде минатата недела.

„Поминавме две и пол години во долг и мрачен тунел и само што почнуваме да ја гледаме светлината на крајот од тој тунел“, рече генералниот директор на СЗО Тедрос Аданом Гебрејесус на прес-конференција во Њујорк, каде што тој учествува на заседанието на Генералното собрание на ОН.

„Но, сè уште сме далеку од крајот и сè уште е темно во тунелот и има многу пречки што би можеле да ги прескокнеме ако не бидеме внимателни“, додаде тој.

Изјавата на Тедрос се разликува од онаа на американскиот претседател Џо Бајден, кој во разговорот објавен во неделата рече дека пандемијата во Соединетите држави е „завршена“.

Но, Тедрос беше пооптимист минатата недела.

Во четвртокот тој се обиде да појасни: „На прес-конференциите во последните две недели реков дека пандемијата не е завршена, но дека нејзиниот крај е на повидок и „и двете се вистинити“.

„Да можеме да го видиме крајот не значи дека сме на крајот од патот“, рече тој.

Одговарајќи на прашање за изјавата на американскиот претседател, Марија Ван Керхове, експерт на одделот за управување со епидемијата на Ковид-19 во СЗО, истакна дека организацијата сака „секаде да ја надмине кризата“, признавајќи дека епидемиолошката состојба може да се разликуваат во поединечни земји.

Тедрос потсети дека неделниот број на пријавени смртни случаи во светот продолжува да опаѓа и сега е само 10 отсто од најголемиот број смртни случаи во јануари 2021 година. Покрај тоа, во повеќето земји се укинати епидемиолошките мерки и две третини од светското население биле вакцинирани, меѓу кои три четвртини од здравствениот персонал и постарите лица.

„Но, 10.000 смртни случаи неделно се 10.000 премногу“, рече тој.

„Мораме да се надеваме дека можеме – и ќе – стигнеме до крајот на тунелот и да ја оставиме пандемијата зад себе. Но, сè уште не сме успеале во тоа“, рече тој.

Статистичките податоци објавени на веб-страницата на СЗО покажуваат дека пандемијата на Ковид-19 убила повеќе од 6,5 милиони луѓе во светот.

- Advertisement -spot_img
- Advertisement -spot_img
- Advertisement -spot_img

СПОРТ

[popmake-52754]

НАЈНОВО