20.9 C
Ohrid
Tuesday, May 17, 2022

„Труднички нос“ – феномен за кој ретко се зборува

НАЈЧИТАНО

Многу жени знаат дека за време на бременоста може да очекуваат болни гради, мачнина и замор, а докажано е дека може да настанат и промени поврзани со носот.

„Носот ми растеше толку многу во секоја бременост што бев изненадена“, изјави една мајка откако бремената Криси Тиген, сопругата на актерот Џон Леџенд, на социјалните мрежи проговори за нејзиниот „бремен нос“.

Тајген рече дека нејзиниот нос бил огромен за време на една бременост.

„Имав впечаток дека тој има свој индекс на телесна маса. Тоа е фасцинантно“, рече таа.

Друга мајка се надоврза на оваа тема и рече дека тоа е вистински проблем за кој ретко кој зборува и дека во тоа време била прилично исплашена.

Д-р Ники Кеј изјави за британскиот метро дека ринитис може да се појави во бременоста како резултат на хормонални промени.

Зошто носот отекува во бременоста?
Зголеменото ниво на естроген и прогестерон влијае на отекувањето на стапалата и го стимулира протокот на крв во мукозните мембрани, принудувајќи ги мускулите и меките коски во носот да се прошират, што прави носот да изгледа пополн и да добива поинаков облик.

Поради тоа, жените во бременоста понекогаш се борат со затнат нос и се повеќе склони кон крварење од носот. Ова обично се случува во третиот триместар кога високиот крвен притисок и задржувањето на водата исто така може да предизвикаат оток.

Зголемувањето на носот во бременоста настанува поради хормоналните промени низ кои поминува трудницата. Овие промени се привремени и по раѓањето, хормоните треба да се вратат во рамнотежа, а со тоа се очекува носот да се врати во нормала, во рок од четири до шест недели по раѓањето.

Обидете се да го намалите внесот на сол на минимум и да го зголемите внесот на вода за да го намалите задржувањето на водата и да го контролирате високиот крвен притисок.

Кога треба да посетите лекар?
Нормално отекување на носот е нормален несакан ефект на бременоста и нема потреба да се грижите.

Но, ненадејното зголемување на отокот, особено на лицето, рацете или стапалата, може да биде знак за прееклампсија, состојба која треба да се пријави кај вашиот лекар што е можно поскоро, пренесува Index.hr.govori

- Advertisement -spot_img
- Advertisement -spot_img
- Advertisement -spot_img

СПОРТ

НАЈНОВО