25.9 C
Ohrid
Wednesday, July 6, 2022

Том Круз џентлменски и подаде рака на Кејт на британската премиера

НАЈЧИТАНО

Британскиот принц Вилијам и неговата сопруга Кетрин се редовни учесници на филмските премиери на Островот. Овој пат во Лондон го погледнаа најновиот дел од хитот Top Gun: Maverick со Том Круз во главната улога.

Како претседател на Британската академија за филмска и телевизиска уметност и поранешен пилот, Вилијам е голем обожавател на продолжението на хитот од 1986 година.

“Имаме многу заеднички работи. И двајцата ја сакаме Англија и двајцата сакаме пилоти, сакаме да летаме“, изјави 59-годишниот актер, кој го игра пилотот во филмот, за британските медиуми.

Кралската двојка се прошета на црвениот тепих на плоштадот Лестер во Лондон во четвртокот вечерта на британската премиера на филмот.

Кејт, која ја воодушеви британската модна дизајнерка Џени Пакам со фустанот во златна боја на септемвриската премиера на No Time To Die за најпознатиот светски агент Џејмс Бонд, овој пат избра фустан со отворени раменици од францускиот моден дизајнер Ролан Муре. Принцот Вилијам, кој се одлучи за црн смокинг и пеперутка, го привлече вниманието со изборот на мокасини на кои беа извезени авиони.

Том, Вил и Кејт добија најголемо внимание на премиерата, а во еден момент Круз џентлменски и пружи рака на помош на војвотката од Камбрија додека таа се качуваше по скалите.

Вил и Кејт се сретнаа и со други актери од филмот Top Gun: Maverick. Војвотката разговараше и со младите обожаватели на црвениот тепих, велејќи им дека нивните тројца потомци Џорџ, Шарлот и Луиз не можат да присуствуваат на премиерата бидејќи „утре ги чека училиште“.

Том Круз е пријател на британскиот двор. Со сите членови се дружеше во различни прилики и со поранешната сопруга, актерката Никол Кидман, а во 1997 година присуствуваше и на погребот на принцезата Дијана, мајката на Вилијам.

- Advertisement -spot_img
- Advertisement -spot_img
- Advertisement -spot_img

СПОРТ

НАЈНОВО