5.9 C
Ohrid
Wednesday, February 1, 2023

Српскиот епидемиолог Зоран Радовановиќ открива сѐ за новиот сој на коронавирусот

spot_img
spot_img
spot_img
- Advertisement -

Сѐ уште се чека официјална потврда за тоа дали новиот сој на коронавирусот „кракен“ пристигнал во Србија, а српскиот епидемиолог Зоран Радовановиќ веќе ги откри сите информации околу оваа варијанта.

Сојот на коронавирусот XBB.1.5 ја загрижи Светската здравствена организација, која го прогласи за најзаразната подваријанта на ковидот што е некогаш откриена.

Експертите го нарекоа „кракен“, а овој сој наводно веќе пристигнал на Балканот, а најверојатно и во соседна Србија.

Епидемиологот Зоран Радовановиќ утрово е главна медиумска ѕвезда во Србија, бидејќи зборува за сето она што треба да го знаете за кракенот.

Тој вели дека кракенот е најпреносливиот сој, но тоа не значи дека е најопасниот.

– Клиничките слики се слични една на друга, разликата тешко се препознава, но се очекува пораст на бројката на заразени. Сметам дека се создаде непотребна паника, бидејќи ако не се појавеше кракенот, сигурно ќе се појавеше некој друг сој. Точно е дека има мутација и механизам кој му овозможува полесно да се вгнездува во ќелиите, а и преносливоста е многу ефикасна. Но, треба да ни биде јасно дека зголемениот број на заразени не е резултат на овој сој, туку во прашање се повеќе варијанти кои доведоа до тоа да ни се случи седмиот бран. Тоа практично се деца и внуци на тој BA.5 сој. Во моментов тие доминираат во Европа, особено во Америка – објаснува д-р Радовановиќ.

На прашањето како да разликуваме кракен од останатите соеви, епидемиологот вели дека тоа е многу тешко.

– Сите варијанти доведуваат до иста клиничка слика и сѐ се сведува на омикрон. Мали се разликите, сите омикрони лесно се пренесуваат од оној оригинален сој и се спуштаат на белите дробови. Кракенот не е опасен, но постои една многу важна работа. Поради тоа што е малку поразличен, отпорноста што евентуално сме ја имале сега дополнително се намалува. Затоа е важно да се примаат двовалентни вакцини. Вакцините даваат заштита од 4 до 6 месеци, така што тие што не се вакцинирани од летоска, треба тоа сега да го направат – советува д-р Радовановиќ.

Епидемиологот вели дека никако не смееме да ги игнорираме симптомите.

– Пораката е дека треба да се чуваме, бидејќи дури и да имаме лесна клиничка слика, сепак се работи за системска болест. Таа ги оштетува крвните садови, вирусите се во целиот организам. Третина од заразените, дури и ако пројдат без тешкотии, можат да имаат долг ковид. Тоа значи дека со месеци ќе се чувствуваат малаксано, исцрпено и ќе ја губат меморијата. Тоа се сериозни последици и затоа е подобро што помалку пати да се заразувате со коронавирусот – вели д-р Радовановиќ.

Кои се симптомите?

– Добро е да знаете дали имате ковид или грип, бидејќи постојат лекови, особено за луѓе кои многу тешко ја поднесуваат самата болест. Во таа смисла подобро е порано да ја знаете дијагнозата, односно да ви соопштат дека сте закачиле корона. Од друга страна, ковид многу често поминува со ниска температура, болка во грлото, течење на носот, а грипот се карактеризира со тежок почеток. Во моментов седите, а за два часа нема да можете ни да стоите. Според тоа, грипосаните имаат висока температура, болки во мускулите, зглобовите и крајна исцрпеност – вели д-р Радовановиќ.

- Advertisement -spot_img
- Advertisement -spot_img
- Advertisement -spot_img

Кањонот Матка да се прогласи за споменик на природата

Владата на денешната седница го усвои Предлогот на законот за прогласување на Кањон Матка за заштитено подрачје во категоријата III – споменик на природата....

Засилувањата на Челзи би можеле да носат два различни броеви на дрес оваа сезона?

Засилувањата на Челзи би можеле да носат два различни броеви на дрес оваа сезона? Рекордното засилување на Челзи од британскиот клуб, Енцо Фернандез, кој пристигна...

Додик: Нема да се укинат акцизите за гориво

Лидерот на СНСД, Милорад Додик, денеска во Бања Лука изјави дека и оваа партија ќе биде против укинување на акцизата на горивото во Домот...
spot_img
spot_img
spot_img