16.1 C
Ohrid
Saturday, August 13, 2022

Сомнежи во стратегијата на ЕУ за укинување на зависноста од руската енергија

НАЈЧИТАНО

Европскиот суд на ревизори изрази сомнеж за главната стратегија на Европската унија за ставање крај на нејзината зависност од руската енергија.

Во денешниот најнов извештај Судот вели дека финансирањето на планот „може да биде недоволно за покривање на проценетите инвестициски потреби“ за постепено укинување на зависноста од руската нафта, јаглен и гас.

По руската инвазија врз Украина, Европската комисија претстави голема стратегија за напуштање на руските фосилни горива пред 2030 година.

За да успее во тоа, ЕУ планира да го зголеми производството на обновлива енергија, да го подобри зачувувањето на енергијата и да увезе фосилни горива од САД, Норвешка и други земји.

Комисијата планира да мобилизира 300 милијарди евра до 2030 година за да го постигне ова, во форма на заеми и грантови како дел од таканаречената стратегија RepowerEU.

Средствата би можеле да се повлечат од неискористените средства на Фондот за закрепнување од Ковид-19 на ЕУ, а пари би можеле да се пренасочат и од други постоечки фондови на ЕУ.

Се проценува дека се потребни околу 210 милијарди евра за постепено укинување на рускиот увоз на енергија до 2027 година, но Европскиот суд на ревизори открива дека на Унијата веднаш и се достапни само 20 милијарди евра.

Средствата ќе бидат распределени според истите еколошки, економски и демократски критериуми како и средствата за помош во борбата против ковид-19.

Затоа, Судот утврди дека средствата што треба да се распределат не ги одразуваат специфичните потреби на членките на ЕУ да се оддалечат од руската енергија.

- Advertisement -spot_img
- Advertisement -spot_img
- Advertisement -spot_img

СПОРТ

НАЈНОВО