5.9 C
Ohrid
Wednesday, February 1, 2023

Силвестер Сталоне, кој веќе 50 години е на сцената, најави дека се збогува со актерската кариера

spot_img
spot_img
spot_img
- Advertisement -

Славниот холивудски актер Силвестер Сталоне, кој веќе 50 години е на сцената, најави дека се збогува со актерската кариера, и најверојатно во иднина ќе се бави само со продукција, режија и пишување сценарија.

Во интервју за „Индивајр“, посветен на неговиот последен филмски серијал „Tulsa King“, Сталоне, одговарајќи на прашање за идните планови, и дали би сакал повторно да глуми, пишува и да режира, вели дека нема намера повеќе да глуми.

– Јас би можел, но веќе не во глумата. Што се однесува до актерството, мислам дека ова веројатно е мојата лебедова песна – вели Сталоне.
По повеќе од 50 години како професионален актер, освоени многу големи награди и светска слава, Сталоне нема што да докажува. После „Роки“, неговата слава не бледнее и како актер, но што е уште поважно, тој е писател, режисер, продуцент веќе 45 години. Единствениот филм за Роки што не го напишал или режирал Сталоне беше „Роки 5“, кој се смета за најлош од оваа франшиза, и толку пропадна на кино благајните што беа потребни 16 години за да излезе уште еден филм за Роки, „Роки Балбоа“. Во текот на неговата кариера, се покажа дека неговото учество во некој проект најчесто е во директна пропорција со успехот на проектот.

Ако се покаже дека „Tulsa King“ е последниот проект во кој Силвестер Сталоне е пред камера, тоа ќе биде одличен крај на неговата актерска кариера. Серијата, создадена од авторот на „Јелоустоун“, Тејлор Шеридан, го следи животот на италијанскиот пастув, кој го игра Двајт Манфреди, протеран њујоршки мафијаш, кој почнува нов живот во Тулса, Оклахома. Како извршен продуцент на серијата, Сталоне го кроеше и го обликуваше ликот на Манфреди за време на претпродукцијата, за да се обиде да ја приближи улогата што е можно поблиску до личноста на актерот.

Подоцна годинава Сталоне ќе може да се види и во „Чувари на галаксијата 3“ и во четвртото продолжение на „Expendables“, каде тој се јавува и како автор на сценариото и актер, а првото продолжение сам го режираше. Дури и да не беше толку славен актер, само како сценарист Сталоне ќе имаше успешна холивудска кариера.

Идните проекти, кои би можеле да имаат доволно среќа да го имаат Силвестер Сталоне зад камерата, се „По“, биографски филм за Едгар Ален По, како и „Тендерлин“, полициска драма сместена на почетокот на минатиот век во Њујорк. Сè уште нема информации дали некој од овие проектите ќе се реализира, но ако Сталоне работи со полно работно време како режисер, писател и продуцент, тогаш големи се шансите да ги постигне сите свои цели.

- Advertisement -spot_img
- Advertisement -spot_img
- Advertisement -spot_img

„Макпетрол“ најави намалување на природниот гас за 41 денар

Согласно договорот помеѓу „Макпетрол“ АД Скопје и „Гаспром експорт“, како и движењето на цената на  природниот гас на светските берзи, „Макпетрол“ информира дека цената...

Кањонот Матка да се прогласи за споменик на природата

Владата на денешната седница го усвои Предлогот на законот за прогласување на Кањон Матка за заштитено подрачје во категоријата III – споменик на природата....

Засилувањата на Челзи би можеле да носат два различни броеви на дрес оваа сезона?

Засилувањата на Челзи би можеле да носат два различни броеви на дрес оваа сезона? Рекордното засилување на Челзи од британскиот клуб, Енцо Фернандез, кој пристигна...
spot_img
spot_img
spot_img