3.3 C
Ohrid
Saturday, February 4, 2023

Се појавуват охрабрувачки знаци, рече еврокомесарот за проширување

spot_img
spot_img
spot_img
- Advertisement -

Еврокомесарот за проширување Оливер Вархеји денеска на прес конференција во Брисел не сакаше да го коментира отворањето на бугарски клубови во Македонија со имиња на фашистички соработници, но изрази надеж дека преговарачката рамка и процес ќе помогнат да се надминат тензиите.

– Се надевам дека со договорот за преговарачката рамка и одржувањето на првата политичка меѓувладина конференција, и политичкиот договор кој нѐ донесе таму ќе создадат различна клима – рече еврокомесарот за проширување.

Тој ги повика двете страни да бидат отворени и да се посветат на соработка преку создадената рамка.

– Се појавуваат охрабрувачки знаци и треба да имаме доверба во нашите пријатели во Софија и во Скопје дека ќе најдат начин да ја променат целата атмосфера – изјави еврокомесарот Оливер Вархеји.

Еврокомесарот Вархеји изјави дека се работи на барањата на Северна Македонија и други земји за помош за покривање на енергетските потреби, јави дописничката на МИА од Брисел.
По најавите дека претседателот Стево Пендаровски побарал од Европската Комисија да и помогне на Северна Македонија да надомести за цената на електрична енергија од Бугарија, еврокомесарот денеска на прес – конференција одговори дека е запознаен со барањето и дека се работи на „поширок пакет за спас“.

– Работиме на поширок пакет за енергетски спас за целиот Балкан и се обидуваме да испорачаме многу брзо, би требало да сме во можност да го презентираме на лидерите во ноември на самитот на Берлинскиот процес, каде разгледуваме начини да им помогнеме да одговорат на итните краткорочни и среднорочни потреби, да создадеме алтернативни набавки на гас или струја, како да помогнеме за интерконекторите за гас или струја – изјави еврокомесарот попладнево.

Тој додаде дека е потребно да се поттикнат и инвестиции, посебно во зелената енергија и енергетската ефикасност, нагласувајќи дека зградите од „советски стил” трошат многу енергија.

Еврокомесарот одговори и на прашање за најлошата оценка во извештајот за Северна Македонија, а тоа е слободата на изразување и на медиуми, каде Европската Комисија го критикува отсуството на реформите во МРТВ. Таа смета дека напредокот во областа на слободата на изразување е ограничен, а недостигот на медиумска саморегулација има негативни последици врз професионалните стандарди во новинарството

– За слободата на изразување бараме да се донесат законските реформи кои се на маса веќе неколку години. Се надевам дека конечно опозицијата и Владата ќе најдат начин да се договорат во Собранието за овие реформи – рече евокомесарот Вархеји.

фото: МИА

- Advertisement -spot_img
- Advertisement -spot_img
- Advertisement -spot_img

ОДРЖАНА МАНИФЕСТАЦИЈАТА „НАЈДОБРИТЕ ОД СПОРТОТ ВО ОПШТИНА ОХРИД ЗА 2022 ГОДИНА“

На свечена церемнонија денес беа доделени наградите за „Најдобрите од спортот во општина Охрид за 2022 година“. – По втор пат за една година под...

Пејачката Бритни Спирс ја обвини актерката Алиса Милано за „злоставување“

Пејачката Бритни Спирс (41) ја обвини актерката Алиса Милано (50) за „злоставување“ откако актерката објавила твит кој ја навредил. Ѕвездата на серијата „Charmed“ изразила загриженост...

Граѓани со знамиња, со транспаренти и со столици, со план да останат до утре, вечерва се обидоа да бидат ноќна стража крај гробот на...

Граѓани со знамиња, со транспаренти и со столици, со план да останат до утре, вечерва се обидоа да бидат ноќна стража крај гробот на...
spot_img
spot_img
spot_img