24.7 C
Ohrid
Wednesday, May 25, 2022

Сенаторот Пол бара контрола на тоа како ќе се трошат парите

НАЈЧИТАНО

Четириесетте милијарди долари наменети за воена помош за Украина не поминаа на седница во американскиот Сенат, откако републиканскиот сенатор Ренд Пол ја закочи постапка барајќи смена на договорот со која инспектори ќе можат да надгледуваат како точно ќе се потрошат овие пари. Со противењето на Пол усвојувањето на мерката е одложено до следната недела, јавува Ројтерс.

– Ова е втора сметка за трошење за Украина во два месеци. И оваа сметка е три пати поголема од првата – рече Пол пред официјално да го блокира пакетот помош.

– Конгресот само сака да продолжи да троши и да троши – додаде тој.

Сенаторите Шумер и Мекконел му понудија на Пол гласање за амандман за неговиот предлог за кој ќе беше потребна поддршка од 60 од 100-те сенатори за да биде усвоен. Но, Пол ја одби понудата и побара Сенатот да го усвои неговиот амандман пред да гласа за пакетот помош.

– Не можеме да ја спасиме Украина со осуда на американската економија – потенцираше Пол.

Одложувањето на усвојување на мерката за следната недела може да предизвика проблеми за западните земји кои се обидуваат да ја зајакнат Украина во нејзината борба против Русија.

Администрацијата на Бајден рече дека до 19 мај очекува да ги исцрпи расположливите средства за да ги искористи под овластување што му дозволува на претседателот да одобри трансфер на оружје без одобрение од Конгресот како одговор на вонредна состојба.

Претходно, Конгресот го усвои нацрт-законот за трошоците во Украина со 368 спрема 57 гласа „за“, а само републиканците гласаа против. Сега мерката треба да помине во Сенатот.

- Advertisement -spot_img
- Advertisement -spot_img
- Advertisement -spot_img

СПОРТ

НАЈНОВО