2.9 C
Ohrid
Monday, January 30, 2023

Русите тврдат дека собориле дрон на Крим

spot_img
spot_img
spot_img
- Advertisement -

Над Севастопол, стратешки важно пристаниште на окупираниот украински полуостров Крим денеска одекна силна експлозија за која Русија тврди дека соборила дрон.

Москва сугерира дека Киев сè уште се обидува да изврши напади врз руските сили далеку од линиите на фронтот, на територија контролирана од руските сили.

Михаил Развожаев, гувернер на Севастопол назначен од Москва, на Телеграм објави дека руската Црноморска флота соборила беспилотно летало над морето. „Нашата армија, како и секогаш, заврши добра работа”, додаде тој.

Седиштето на руската Црноморска флота се наоѓа во Севастопол, на украинскиот полуостров Крим, кој во 2014 година беше незаконски анектиран од Русија. Од почетокот на војната, Русија лансира крстосувачки ракети од бродовите на Црноморската флота кон украинската цивилна инфраструктура, вклучувајќи ја и електричната мрежа.

Портпаролот на Кремљ, Дмитриј Песков денеска изјави дека на Крим и Севастопол им се закануваат „терористички напади”, додавајќи дека „регионот е подготвен да ги одбие”.

– Ризици секако постојат бидејќи украинската страна продолжува да организира терористички напади – рече Песков, додавајќи дека „се преземаат ефикасни мерки за нивно спречување”.

Руската разузнавачка и безбедносна служба ФСБ денеска соопшти дека уапсила двајца жители на Севастопол под сомнение за предавство. ФСБ тврди дека уапсените им дале информации на украинските безбедносни служби, односно дека со Украинците „за пари споделувале информации за локациите на институциите на Министерството за одбрана на Руската Федерација”. Против уапсените се поднесени кривични пријави за „велепредавство”, соопшти ФСБ.

- Advertisement -spot_img
- Advertisement -spot_img
- Advertisement -spot_img

Ѓоковиќ призна: Користи ново контроверзно правило за да победи во финалето

Откако минатата година беше дури и депортиран, Новак Ѓоковиќ се врати во Австралија и го освои својот 10-ти Австралија опен, со што се израмни...

Нови мерки: Како Netflix ќе ги спречи корисниците да ја споделат својата лозинка?

Првичните извештаи и испитувања во други земји сугерираат дека напорите за одвраќање на споделувањето лозинка ќе бидат релативно благи во почетната фаза, потпирајќи се...

Бактеријата која предизвикува чир може да се пренесе и на членовите на семејството

Бактеријата која предизвикува чир може да се пренесе и на членовите на семејството Кога гастроинтестиналните проблеми ја вклучуваат бактеријата Helicobacter Pylori (H. pylori), членовите на...
spot_img
spot_img
spot_img