8.9 C
Ohrid
Wednesday, October 5, 2022

Претседателот Стево Пендаровски доби пар рачно нацртани уникатни патики од дизајнерот Сатја Грабулоски

НАЈЧИТАНО

Претседателот Стево Пендаровски доби пар рачно нацртани уникатни патики од дизајнерот Сатја Грабулоски. Патиките од марката Најки се специјално изработени за претседателот Пендаровски, а на нив се нацртани Македониумот и претседателскиот грб.

Специјалните патики се дел од изложбата „Зад Македониумот“ што се отвори вчера попладне во претседателската палата, а на која ќе може да се видат скици, цртежи, фотографии и макети од личната колекција на Јордан и Искра Грабулоски, автори на еден од најпознатите споменични обележја во земјава, Македониумот во Крушево.

Во своето обраќање на отворањето, претседателот Пендаровски рече дека благодарение на семејството Грабулоски, на Лира Грабул и на Сатја Грабулoски, може да се видат интимните и детаљни творечки процеси, повеќеслојните наративи, визии, дилеми и перспективи кои се одвивале при уметничкото и архитектонско осмислување на „Македониумот“.

– Споменикот на Илинден во Крушево, познат како Македониум, е несомнено најкомплексното и би се осмелил да кажам, најрепрезентативното скулптурално-архитектонско дело кое е возвишен израз на нашата современа уметност, култура и архитектура – рече меѓу другото Пендаровски.

Изложбата во Кабинетот на претседателот се организира по повод одбележувањето 31 година независност на Македонија и преку неа се претставуваат значајните дела од богатата современа македонска културно-историска ризница.

Изложбата „Зад Македониумот“ ќе биде отворена до 30 септември, а посетителите ќе може да ја видат со претходно закажување за влез во претседателската вила, преку платформата Отворен кабинет.

- Advertisement -spot_img
- Advertisement -spot_img
- Advertisement -spot_img

СПОРТ

[popmake-52754]

НАЈНОВО