1.9 C
Ohrid
Monday, January 30, 2023

Оркестарот на Филхармонија вечерва во 20 часот ќе го одржи концертот насловен „Омаж на маестро Александар Џамбазов“

spot_img
spot_img
spot_img
- Advertisement -

Оркестарот на Филхармонија вечерва во 20 часот ќе го одржи концертот насловен „Омаж на маестро Александар Џамбазов“ во рамки на 45 издание на фестивалот „Денови на македонска музика“.

Концертот е посветен на големиот македонски композитор, а диригент е Џијан Емин. Концертот е хуманитарен, а парите од билетите ќе бидат донирани на Асоцијацијата за детски дијабет на Македонија „Баланс-Мк“.

На концертниот омаж публиката ќе може да проследи дела од неговиот симфониски опус „Седумте танцови варијации“ со Елена Атанасовска-Ивановска како солист на пијано и „Рапсодија за Скопје“ со Иво Настевски како солист на пијано.

Ќе бидат изведени дела од опусот на маестро Џамбазов напишани за ревиски оркестар „Реминисценија“, „Балада за Шпато“ како и избор од многубројните песни за вокал и ревиски оркестар, меѓу кои се неповторливите „Довидување“, „Само ти“ и други во изведба на Тамара Тодевска, Никола Перевски-Пере, Александар Тарабунов и Антониа Гиговска.

Со овој концерт, оркестарот на Филхармонија, Сојузот на композитори на Македонија (СОКОМ) и пејачите кои ќе настапат на сцена ќе му оддадат признание и почит на македонскиот композитор и диригент –Александар Џамбазов, кој зад себе остави непроценлив музички опус.

Творештвото на Александар Џамбазов (1936-1922) главно ротира околу формата на популарните жанрови. Повеќе од 40 години композициите на Џамбазов беа неодминлив дел на најпознатите македонски фестивали и фестивалите во поранешна Југославија. Одличната професионална подготовка стекната низ школувањето во Скопје и Белград и природната дарба му овозможија да остави голем број мелодии од кои некои се вбројуваат во евергрините на македонската популарна песна.

Особено е значајно и неговото творештво на полето на детската песна. Во првите 15 години од постоењето на „Златно славејче“, неговиот авторски придонес во програмата овозможи фестивалот да прерасне во еден од најважните фактори во музичкото воспитување и образование на најмладите. Во сферата на класичната музика Џамбазов напиша неколку маркантни композиции, а неговата „Рапсодија за Скопје“ за пијано и симфониски оркестар е добитник на највисоко признание на меѓународниот фестивал во Кава де Тирени – Италија.

- Advertisement -spot_img
- Advertisement -spot_img
- Advertisement -spot_img

Груби: Нема повеќе време, ниту простор за калкулации и измами

Нема повеќе време, ниту простор за калкулации и измами. Или сте за Европа или сте против. Нема простор за средна зона, бидејќи нема друга...

Ковачевски: Отворени се нови можности за економијата и членството во ЕУ, повикувам на обединување и паметни одлуки!

Претседателот на Владата на Република Северна Македонија, Димитар Ковачевски, се обрати на годишната конференција „Година на нови можности“, што се одржува денеска и утре...

Приведен крадец од Прилеп, фатен на дело

На 29.01.2023 во 19.20 часот на ул.„Трајко Николоски“ во Прилеп, полициски службеници од СВР Битола - ОВР Прилеп го лишиле од слобода Џ.П.(40) од...
spot_img
spot_img
spot_img