22.9 C
Ohrid
Friday, August 12, 2022

ОДБРАНАТА НА МИЈАЛКОВ НЕ Е ЗАДОВОЛНА ОД ПРЕСУДАТА

НАЈЧИТАНО

Апсолутно не сме задоволни и ќе ја обжалиме пресудата во законскиот рок, кога ќе го добиеме писмениот оправок и кога ќе ги изанализираме причините поради кои е донесена пресудата, изјави адвокатот Ѕвонко Давидовиќ, по денешната пресуда за случајот „Плацови на Водно“, во која на Сашо Мијалков му беше изречена казна затвор од една година за „помагање при кривично дело перење пари и други приноси од казниво дело”.

– Денеска судијата ги наброја причините и на неколкупати згреши. Еве конкретно ниту еден предмет, зборувам за мојот клиент, ниту еден предмет не е правосилно завршен, па тоа што се во тек постапки не значи дека треба да биде причина за заострување на казната, особено што и за други обвинети има постапки кои се во тек. Но тоа ќе го расправаме пред Апелационен суд – рече Давидовиќ.

Тој дополни дека она што не им се допаднало било изречена казна која е поостра од оние кои вршеле перење на пари, а помагачот, како што рече, „наводно при перење на пари е казнет построго од оние кои го сториле самото кривично дело“.

– Но, во секој случај, она што постојано го укажувавме во текот на постапката и пред Апелациониот суд ќе го изнесеме, е дека не постоеше ниту еден материјален доказ за ваква пресуда, за мојот клиент, и дека буквално е на исказ на еден сведок којшто беше буквално дискредитиран и од кој што најголемиот дел од имотот и се одзема. Свесни сте во судницата конфискација на имотот и одземањето на имотот е од сите други обвинети и сведоци освен од мојот клиент, па вие проценете самите – рече тој. 

Во овој случај, Судечкиот совет денеска изрече седумгодишна казна затвор за поранешниот премиер Никола Груевски, обвинет за перење пари и противправно стекнување и прикривање на имот. Неговиот кум Ристо Новачевски е осуден на условна казна во времетраење од две години, бизнисмените Ненад Јосифовиќ на двегодишна условна осуда, а Јордан (Орце) Камчев е осуден на едногодишна затворска казна кои, исто така се обвинети за за „перење пари”.

- Advertisement -spot_img
- Advertisement -spot_img
- Advertisement -spot_img

СПОРТ

НАЈНОВО