4.9 C
Ohrid
Wednesday, February 1, 2023

Новинарите мора да работат ослободени од притисоци

spot_img
spot_img
spot_img
- Advertisement -

Агенцијата за аудио и аудиовизуелни медиумски услуги, како и партијата СДСМ, најостро ги осудуваат заканите и навредите упатени кон новинари на Канал 5 и повикуваат МВР да го расчисти случајот.

Како што објави телевизијата, од профил на извесен Роберт Елбасанов на Фејсбук, добила порака со навредлива содржина и закани во која меѓу другото се вели „да е ова асална држава, досега сите ќе бевте стрелани како кучиња“.

„Канал 5 ТВ како единствена професионална и избалансирана телевизија постојано преку социјалните мрежи добива закани, но оваа веќе ја прели нашата „чаша“. Ваква гнасна, нечовечна порака заслужува само сериозна санкција. МВР и ОЈО – ќе реагирате ли“ – праша јавно телевизијата.

СДСМ објави соопштение во кое се вели дека ги осудува заканите кон новинари на Канал 5, и очекува расчистување на случајот и одговорност.
„Ги осудуваме заканите кон новинарите на Канал 5 кои се појавуваат на социјалните мрежи.

Новинарите и медиумите имаат важна улога во нашето демократско општество и недозволиво е тие да бидат предмет на било какви закани или говор на омраза. Последниот случај со закани е пријавен во надлежна институција, МВР постапува и очекуваме брза разрешница и соодветно санкционирање, за вакви закани да не се повторат“ – се вели во соопштението на СДСМ.

Агенцијата за аудио и аудиовизуелни медиумски услуги соопшти дека најостро ги осудува заканите упатени кон вработените во телевизија Канал 5 од страна на физичко лице на социјалната мрежа „Фејсбук“.

„Нападите и заканите кон новинари се неприфатливи и сите надлежни органи мора да ги преземат потребните мерки за да се создаде опкружување во кое ќе постојат професионални, слободни и независни медиуми. За да се овозможи демократски развој на државата, од суштинско значење е новинарите да бидат безбедни во секој момент и да им биде овозможено непречено да ја извршуваат својата работа, односно да можат навремено да ги информираат граѓаните за различни општествени случувања, без закани и заплашувања“ – велат од АВМУ.

- Advertisement -spot_img
- Advertisement -spot_img
- Advertisement -spot_img

(ЕКСКЛУЗИВНО) Држи ли ЈО Охрид во Притвор невино лице за да се задоволи б’лгарската мегаломанија???

Христијан Пендик(ов), лице за еднократна употреба во б’лгарската мегаломанија, стана една од најозборуваните личности која служи за поткусурување на големобугарските аспирации кон Македонија. Но, што...

Покојниот крал на попот ќе го игра неговиот внук Џафар Џексон

Американскиот режисер Антоан Фуква го пронајде главниот актер за неговиот планиран филм за животот на поп ѕвездата Мајкл Џексон. Главната улога во филмот Мајкл...

Затворениците во САД ќе можат да си ја скратат казната со донирање органи

Затворениците во американската сојузна држава Масачусетс ќе можат да ги намалат затворските казни за најмалку два месеци доколку донираат коскена срж или органи. Доколку законот...
spot_img
spot_img
spot_img