1.4 C
Ohrid
Saturday, January 28, 2023

Музички собир в недела против одлуката на Арсовска за разрешување на в.д. директорот Богоев

spot_img
spot_img
spot_img
- Advertisement -

На платото пред МКЦ утре со протестен музички собир од 12 до 16 часот ќе се брани Младинскиот културен центар од одлуката на скопската градоначалничка Данела Арсовска да го смени в. д. директорот Ванчо Богоев и на негово место да го назначи дипломираниот детектив Никола Алексов, кој нема работно искуство во културниот сектор.

На протестот ќе настапат десетина групи и пејачи, меѓу кои и Дина Јашари, „Новиот почеток“, „Хајка“. Организаторот на протестот, музичкиот колектив Гола планина, во објавата за настанот на Фејсбук вели дека е против политизирањето на оваа културна институција.

– Срамота е да се скрати буџетот на МКЦ за 92%! Срамота е форсираното политизирање на една од најлегитимните и најработливите културни установи во Македонија. Срамота е постојаниот обид за угнетување на оние кои уживаат во правење и восприемање на уметност различна од популарната, посебно на младите кои се борат за трошките – велат во прогласот Гола планина.

Тие додаваа дека МКЦ Е ЗА СИТЕ!, МКЦ е она што нè држи живи. МКЦ не го заслужува ова, не заслужува еден ваков ветеран да биде изеден од забот на времето и алчноста.

Инаку Арсовска го смени Богоев на 17 јануари, а следниот ден Програмскиот колегиум на МКЦ соопшти дека Богоев, кој 36 години е дел од институцијата, е сменет бидејќи не сакал да го вработи пејачот Бени Шаќири, кој на последните локални избори беше кандидат за градоначалник на Скопје на ДОМ и ЛДП. Од МКЦ велат дека генералниот секретар на Градот Зоран Глигоров вршел екстремни притисоци да се потпише вработување на Шаќири.

Пред два месеца, МКЦ ја доби од Град Скопје наградата „13 Ноември” за заслуги во областа на културата и масовната посетеност, по повод 50-годишниот јубилеј.

Ова е вторпат јавноста да се побуни против политичкото влијание врз МКЦ, една од најживотворните културни и институции во земјава. Во јуни 2019, 250 независни уметници и културни работници со отворено писмо побараа од тогашниот премиер Зоран Заев да спречи менување на тогашниот в. д. директор на МКЦ Русе Арсов и поставување на пејачот Бени Шаќири на директорската функција, а обајцата беа единствените пријавени на конкурсот на Град Скопје објавен во февруари 2019. Во отвореното писмо рекоа дека ако Шаќири биде назначен за директор ќе дојде до нарушување на континуитетот на работа на МКЦ. Тогашниот скопски градоначалник Петре Шилегов рече дека јавноста предвреме суди за Шаќири. Тогаш на социјалните мрежи одеше кампања под наслов #НеГоЧепкајтеМКЦ. Во ноември 2019, Град Скопје го поништи конкурсот и Арсов остана в. д. директор, сè до декември 2021, кога даде оставка од здравствени причини. На негово место градоначалничката Данела Арсовска го назначи Ванчо Богоев.

- Advertisement -spot_img
- Advertisement -spot_img
- Advertisement -spot_img

Околу 2700 студенти ќе добијат покачување на стипендиите

Околу 2.700 студенти, корисници на стипендии од изминатите академски години, ќе добијат покачување на средствата, односно наместо досегашните 3.000 денари, овие студенти во иднина...

Ковачевски упати честитки за празникот Свети Сава

Претседателот на Владата на Република Северна Македонија, Димитар Ковачевски вечерва имаше обраќање на свечената академија, која се одржа по повод одбележувањето на Св. Сава...

Зборовите на европратеник одекнаа во медиумите

Според сознанијата на Н1, европарламентарците им кажале на своите колеги во српскиот парламент што може да се случи доколку Србија не биде конструктивна во...
spot_img
spot_img
spot_img