18.9 C
Ohrid
Friday, July 1, 2022

Комисијата за надворешна политика во Бугарија разговара за пристапувањето на Македонија во ЕУ

НАЈЧИТАНО

Следете го во живо состанокот на собраниската комисија за надворешна политика на која се расправа за пристапување на Северна Македонија во ЕУ.

Комисијата за надворешна политика при бугарското собрание три предлог-одлуки за почеток на преговори меѓу Република Македонија и Европската Унија.

Предлозите се на ДПС, ГЕРБ и „Демократска Бугарија“. Од „Продолжуваме со промената“ нема да достават сопствен предлог. На средбата присуствуваше и министерката за надворешни работи Теодора Генчовска.

Документот на ДПС беше поднесен синоќа, како што најави лидерот на партијата Мустафа Карадаи по гласањето за недоверба со кое беше соборена владата на Кирил Петков. Документот на Движењето е наречен „Предлог-одлука поврзана со одобрување од страна на француското претседателство на нацрт-преговарачката рамка за преговори за членство на Република Македонија и Албанија во ЕУ“.

Документот на ГЕРБ е наречен „Нацрт-акција на Советот на министри за одобрување на нацрт-преговарачката рамка и нацрт-заклучок на Советот на ЕУ за европска интеграција на Република Македонија“. Предлог-одлуката е поднесена утрово.

БГНЕС потсетува дека францускиот предлог се состои од три независни елементи, кои само во сет можат да одговорат на прашањето дали Македонија е подготвена да ги започне преговорите за членство во ЕУ.

Првиот документ, нацрт-заклучоците на Советот, ни кажува дека темата „билатералните односи Скопје-Софија“ ќе биде дел од преговарачкиот процес. Овој документ, како и вториот документ, преговарачката рамка, се однесуваат на трет, клучен документ – билатерален протокол, во кој нема ништо француско и е целосно производ на договор меѓу министерствата за надворешни работи на двете земји. Ова е всушност патоказ со конкретни заложби и чекори кои Скопје мора да ги исполни за возврат да Бугарија го укине ветото.

- Advertisement -spot_img
- Advertisement -spot_img
- Advertisement -spot_img

СПОРТ

НАЈНОВО