Ковачевски: Не ја исклучувам можноста во следниов период да се одржи нова лидерска средба на којашто ќе поразговараме за најзначајните прашања

spot_img
spot_img
spot_img
- Advertisement -

Не ја исклучувам можноста во следниов период да се одржи нова лидерска средба на којашто ќе поразговараме за најзначајните прашања, истакна денеска премиерот Димитар Ковачевски, присетувајќи се на тоа дека последната лидерска средба се одржа во ноември минатата година, а и тогаш, како што рече, претседателите на политичките партии не разговарале само за уставните измени, туку и за останатите важни предизвици.

– Нова лидерска средба во моментов не е планирана, меѓутоа, јас не ја исклучувам таквата можност. Освен уставните измени, на една евентуална нова лидерска средба би се отвориле и други прашања од важност за државата – порача премиерот.

Лидерот на опозициската ВМРО-ДПМНЕ, Христијан Мицкоски, утрово веднаш му „удри корпа“ на премиерот и му порача дека ставот за уставните измени не се менува и дека наместо лидерска средба подобро е да се случат предвремени парламентарни избори.

– Не треба да очекувате дека нашиот став ќе биде променет. Ставот е дека овој Парламент нема мандат за да менува Устав, бидејќи опозицијата не учествувала во креирање на тој договор, ниту, пак, се согласила на содржината од тој договор. Наместо лидерска средба, треба час поскоро да се случат предвремени парламентарни избори и да излеземе сите со решение на проблемот што го направи Владата на ДУИ поддржана од СДСМ, па граѓаните нека одлучат кому да ја дадат довербата. Постојат неколку опции, па граѓаните се тие што ќе дадат правец и насока каде да се движи Македонија – рече Мицкоски.

И од Левица не сакаат ни да чујат за учество на лидерска средба. Оттаму велат дека самиот формат на одржување лидерски средби е класичен пример на спроведување недемократски методи.

– Воопшто не ни седнуваме на маса. Пред само два месеца се одржа лидерска средба и кој беше исходот? Која е поентата на парламентарната демократија, на изборите и на Собранието ако сите важни прашања се решаваат зад затворени врати, односно на лидерски средби? Ова е класично дерогирање на парламентарната демократија. Си имаме пратеници кои всушност се народни претставници во Собранието и тие пред целата јавност треба да ги решаваат овие проблеми. Ако се сеќавате, токму на лидерската средба за пописот беше договорен и законот за легализација на дивоградби. Така што, лидерските средби очигледно претставуваат модел за поткусурување и за задоволување на теснопартиските интереси. Форматот на одржување лидерски средби е пример на спроведување недемократски методи. Каде е јавноста и каде се пратениците при носењето важни државни одлуки? Така што, дури и да има нова лидерска средба, Левица повторно ќе ја прескокне – ни изјави Јована Мојсоска, членка на Президиумот на Левица.

Последната лидерска средба се одржа на 7 ноември минатата година во зградата на Парламентот, а тогаш присуствуваа сите партиски лидери освен Димитар Апасиев од Левица и Билал Касами од Беса.

- Advertisement -spot_img
- Advertisement -spot_img
- Advertisement -spot_img

Гори меѓу Миладиновци и ОКТА

Центарот за управување со кризи информира дека вечерва во 19:05 часот на бројот 112 бил пријавен пожар помеѓу селото Миладиновци и рафинирија ОКТА во...

Ковачевски: Очекувам Бугарија да ги пронајде вандалите

Премиерот Димитар Ковачевски најостро го осудува вандалскиот чин, на каменување на македонскиот клуб „Никола Јонков Вапцаров” во Благоевград. Тој преку својот Фејсбук профил, порача...

ВМРО-ДПМНЕ го осуди демолирањето на македонскиот клуб

ВМРО-ДПМНЕ најостро го осудува демолирањето на македонскиот клуб во Благоевград.„Вандализмот не е добрососедство и не може да биде. Негирањето на Македонија, но и на...

Moda

Тоа е најтренди боја на фармерки што ќе ја носиме во летото 2023 година

Сивите фармерки се дефинитивно крој во кој вреди да се инвестира ова лето. Широки сиви фармерки - тренд кој им ласка на сите типови на...

Како да купите нова облека, така што всушност ќе ја носите и нема да седи само во плакарот

Словенците никогаш не носат речиси третина од облеката што ја купуваме. Проверивме како да купиме нова облека, така што всушност ќе ја носиме и...

Уште една ќерка на познати родители е нова ѕвезда на модното небо

Изгледа како вчера – целата светска јавност зборуваше за необичниот избор на името на Гвинет Палтроу и Крис Мартин за нивното новороденче, Епл. Но, тоа...
spot_img
spot_img
spot_img