25.9 C
Ohrid
Tuesday, August 9, 2022

Како може еден сендвич да чини 1.844 долари?

НАЈЧИТАНО

Џесика Ли од Австралија неодамна открила дека пилешко и салата во обичен сендвич од Subway може да чинат дури 1.844 долари. Откако се вратила од одмор во Грција, додека чекала да продолжи летот, на аеродромот во Сингапур купила сендвич и со дозвола на стјуардесата го донела во авионот. Половина јадела за време на летот, го спакувала остатокот и потоа заборавила на тоа. Таа беше отповикана од властите во Австралија, по слетувањето во Перт. Според „Вашингтон пост“, Ли заборавила да пријави во форма дека има неизеден сендвич и на тој начин го прекршила австралискиот закон за биосигурност, па била казнета со 1.844 долари. Нејзината приказна набрзо стана вирална на TikTok, па се вклучи и синџирот ресторани за брза храна Subway, обидувајќи се да ги намали трошоците за жената со подарок.

Приказната за тоа како сендвичот со пилешка салата станал „најскапиот сендвич досега“, како што кажала самата Ли, започнува во моментот кога почнала да ги чувствува последиците од џет-лаг, откако со својот партнер прелетала повеќе од 12.800 километри за 24 часа. .

Уморна од временската разлика и „крајно гладна“, едвај чекала одмор во Сингапур за да може да јаде. Таа рече дека чека на ред за да купи сендвич во синџирот ресторани за брза храна „Сабвеј“.

„Пред да се качам во авионот, ги прашав претставниците на авиокомпанијата дали можам да донесам сендвич и тие рекоа да“, вели Џесика Ли.

Таа на крајот изеде половина од сендвичот, а остатокот го остави во нејзината кеса со чоколади.

Го заборавила тој сендвич до проверката на багажот при слетувањето во Перт. Со тоа што не ги штиклираше соодветните полиња на формуларот за декларација – таа го прекрши Австралискиот Закон за биосигурност, регулатива дизајнирана да спречи штетници и болести да влезат во земјата.

„Вашингтон пост“ објави дека Австралија строго ги спроведува своите закони за биосигурност. Тоа значи дека сите патници и багаж подлежат на скрининг кој вклучува апарати за рендген, кучиња, физички прегледи и тестови…

На патниците кои пристигнуваат во земјата им се дава формулар да пријават каква било ризична стока, вклучувајќи храна, животински производи и растителен материјал. Непочитувањето на прописите може да доведе до голем број казни, вклучувајќи кривично гонење и откажување на визите итн.

„Кога полицаецот не погледна и рече: „Да, ова ќе биде близу три илјади“, само почнав да плачам“, вели Ли.

Таа ноќ, мешавина од џет-лаг и вознемиреност поради казната ја спречи да спие.

Нејзината приказна во клипот TikTok, кој го раскажа „со надеж дека тоа нема да му се случи на никој друг“, за неколку часа имаше илјадници прегледи и коментари.

Од минатата среда наутро, видеото било прегледано повеќе од 1,3 милиони пати, според WP.

Се огласи и Subway
Во еден од коментарите на нејзиното видео TikTok, Subway беше означена со повик до компанијата „да и помогне“. Неколку минути подоцна, компанијата ја контактирала Ли и и кажала дека би сакале да помогнат, иако не можат да ја платат казната.

Заедно со ваучер за сендвич од 1.844 долари, Subway ѝ испрати и пакет брендирани производи, кои Ли ги „откачеше“ на камерата во друг клип на TikTok.

- Advertisement -spot_img
- Advertisement -spot_img
- Advertisement -spot_img

СПОРТ

НАЈНОВО