15.9 C
Ohrid
Friday, May 20, 2022

Каква е сликата во Босна и Херцеговина по земјотресот?

НАЈЧИТАНО

Паниката сѐ уште е присутна кај жителите на Босна и Херцеговина откако синоќа во близина на градот Мостар се случи силен земјотрес кој предизвика материјални штети, а одзеде и еден млад човечки живот.

Тлото во БиХ денеска е мирно, а локалните власти уште од раните утрински часови се излезени на терен и ја анализираат состојбата.

Како што објавуваат босанските медиуми, материјална штета на куќите е причинета во Столац, место кое е во близина на епицентарот на земјотресот. Оштетени се фасадите, урнати се оџаци, а одрони се регистрирани на повеќе патни правци.

Шефот на противпожарната служба во Чапљина, Мате Јурковиќ, изјави дека пожарникарите од синоќа имале повеќе од 60 интервенции.

– Сите екипи се на терен и се санира она што може да се поправи. Оштетени се многу куќи и згради, паднаа оџаци. Оштетено е основното училиште во центарот на градот – изјави Јурковиќ.

Според локалните власти, членови на Штабот за вонредни ситуации го посетиле подрачјето на Невесиње, каде што не биле забележани оштетувања на станбени згради.

За разлика од Невесиње, во Љубиње е забележана поголема материјална штета. Оштетени се куќи, станбени згради, како и општинската зграда.

 

 

- Advertisement -spot_img
- Advertisement -spot_img
- Advertisement -spot_img

СПОРТ

НАЈНОВО