21.5 C
Ohrid
Saturday, August 20, 2022

Заштитете се од екстремна топлина: Оладете го домот и пијте многу течности

НАЈЧИТАНО

Разладете го домот, држете се подалеку од топлината, разладете го телото и пијте доволно течности, помагајте им на другите – ова се само дел од препораките како да се заштитите од жештините.

За време на горештините, важно е да се следат препораките на локалните здравствени установи и да се следи Државниот хидрометеоролошки завод – предупредување од топлотни бранови.

Министерството за здравство има изготвено Протокол за процедури и препораки за заштита од топлина, кој ги вклучува потребните процедури за подготвеност и дејствување на национално и локално ниво во случај на топлотни бранови, но и препораки за намалување на ризикот и за поединци и за институционални услови. .

Според прогнозата на Државниот хидрометеоролошки завод за понеделник, неделата започнува со претежно сончево време, а во најголем дел ќе биде топло, понекаде со највисока дневна температура до 34 Целзиусови степени.

Топлината може да предизвика исцрпеност и топлотен удар и може да ги влоши веќе постоечките состојби, како што се кардиоваскуларни, респираторни, бубрежни или ментални болести, а советите на давателите на здравствени услуги треба да се следат за време на високи температури.

На граѓаните им се препорачува да го разладат телото и да пијат доволно течности бидејќи со потењето се губи повеќе течност, што доведува до дехидрација. Се препорачува да се пие негазирана вода и нискокалорични пијалоци без кофеин, алкохол и шеќер.

Треба да се избегнува директно изложување на сонце во периодот од 10 до 17 часот, особено децата, трудниците, старите лица, срцевите пациенти и пациентите со хронични заболувања, додека луѓето кои работат на отворено треба почесто да одмараат, да се засолнуваат под сенка и да пијат секој 30 минути..

Во најтоплиот дел од денот треба да избегнувате излегување на отворено и физичка работа, а се препорачува и редовно користење на производи со заштитен фактор.

Граѓаните треба да носат лесна лесна облека од природни материјали и да ја штитат главата од сонце, а просторот во кој живеат да се лади со помош на постуден ноќен воздух. Во текот на денот треба да ги затворите прозорците и да ги спуштите ролетните и да исклучите што повеќе електрични апарати во домот.

Посебно се предупредува дека децата и животните не смеат да се оставаат во паркирано возило.

- Advertisement -spot_img
- Advertisement -spot_img
- Advertisement -spot_img

СПОРТ

НАЈНОВО