18.9 C
Ohrid
Tuesday, September 27, 2022

Жените кои не јадат месо имаат поголема веројатност да го скршат колкот подоцна во животот

НАЈЧИТАНО

Жените кои не јадат месо имаат поголема веројатност да го скршат колкот подоцна во животот, покажува едно истражување, пренесе „ВВС“.

Научниците следеле 26.000 жени околу 20 години и откриле дека вегетаријанците во групата имаат една третина поголема веројатност да доживеат такви фрактури. Научниците од Универзитетот во Лидс велат дека на некои вегетаријанци им недостасуваат доволно хранливи материи за добро здравје на коските и мускулите, што го зголемува ризикот од кршење.

Сепак, авторите на студијата велат дека луѓето не треба да престанат со вегетаријанска исхрана. Тие исто така анализирале група жени на возраст од 35 до 69 години за да ја проценат врската помеѓу здравјето и исхраната. Околу 28% од жените кои следеле биле вегетаријанки, а 1% биле вегани. Во текот на 20-годишниот период, 822 (3%) жени во групата имале фрактури на колкот.

– Нашата студија ја истакнува потенцијалната загриженост за ризикот од фрактури на колкот кај жените вегетаријанки. Сепак, како и со секоја диета, важно е да се разберат личните околности и кои хранливи материи се потребни за балансиран и здрав начин на живот – рече водачот на студијата Џејмс Вебстер.
„Вегетаријанската исхрана може да биде здрава и нездрава“

Тој додаде дека вегетаријанската исхрана често има помал внес на хранливи материи како што се протеини и калциум, кои обично ги има повеќе во месото отколку во растенијата.

– Нискиот внес на овие хранливи материи може да доведе до помала минерална густина на коските и помала мускулна маса, што може да ве направи поподложни на фрактури на колкот – вели тој.

Сепак, Вебстер забележа дека вегетаријанската исхрана може многу да варира од личност до личност и може да биде „здрава или нездрава, исто како диета која вклучува производи од животинско потекло“. Научниците вклучени во проектот рекоа дека жените можат да го одржуваат здравјето на коските доколку не ослабат, да додадат хранливи материи како Б12 во нивната исхрана и да останат активни.

– Оваа студија е само дел од поголемата слика за исхраната и здравите коски и мускули во староста – вели коавторот на студијата проф. Дарен Гринвуд.

- Advertisement -spot_img
- Advertisement -spot_img
- Advertisement -spot_img

СПОРТ

[popmake-52754]

НАЈНОВО