14.4 C
Ohrid
Tuesday, September 27, 2022

Една просечна и една минимална плата не ги покриваат

НАЈЧИТАНО

На едно четиричлено семество кое не поседува возило, во јули му биле потребни 47.042 денари да ги покрие минималните животни потреби, пресмета Сојузот на синдикатите.

Пресметките на синдикатот говорат дека животот на граѓаните во однос на јуни минатиот месец поскапел за 7.332 сенари.

Близу половина од парите (17.843 денари)  биле потребни за исхрана и пијалоци,  потоа за домување и превоз, а најмалку за здравје вкупно 784 денари или 1 отсто.

Според Синдикатот, оваа сума не е доволна ниту за семејства каде има двајца вработени кои имаат примања од една просечна и една минимална плата.

– Истовремено, имајќи предвид дека инфлацијата од 16 проценти ја обезвреднува вредноста на платите и од тука износот од 18.000 денари колку што изнесува минималната плата сега има реална вредност од 15.120 денари, а износот на просечната нето плата од 31.525 денари има реална вредност од 26.481 денари со што значително е осиромашен македонскиот работник и граѓанин – велат од ССМ.

Според нив, владините политики за само пет месеци од зголемувањето на минималната плата на 18.000 денари повторно ја вратиле нејзината вредност на нивото пред март годинава, односно со една минимална плата работниците да можат да купат само исхрана и пијалоци, колку што им биле потребни во јули (17.842,91 денар).

– На работниците им се потребни итни усогласувања на платите за амортизирање на инфлаторниот удар, а тоа значи Владата да ги усогласи платите за 18,4 отсто до септември согласно Законот, а во спротивно како што ги казнува Владата работниците, така работниците ќе ја казнат Владата, а истото се однесува и на работодавачите – велат од ССМ.

- Advertisement -spot_img
- Advertisement -spot_img
- Advertisement -spot_img

СПОРТ

[popmake-52754]

НАЈНОВО