2.9 C
Ohrid
Sunday, November 27, 2022

Еве како младиот министер во 2014-та ги уништил француските компании

НАЈЧИТАНО

Франускиот претседател Емануел Макрон и Нели Крос, поранешна еврокомесарка незаконски лобирале Убер да стане масовна такси-компанија во Франција. Од нив двјца и ред други европски политичари биле донирани и до 90 милиони долари годишно, откриват илјадници протечени документи, анализира Би-Би-Си. На сметка на тоа француските таксисти пропаднаа, а нивните протести против Убер станаа насилни.

Убер, апликација за такси каде такси-возачите можат да бидат и обични граѓани кои во моментот имаат слободно време да ве извозат до негде, сега е светска корпорација.

Документите, исто така, покажуваат како поранешниот шеф на такси-фирмата лично наредил да се користи „прекинувач за убивање“ за да се спречи полицијата да пристапи до компјутерите.

Од Убер велат дека нивното „минато однесување не било во согласност со сегашните вредности“ и дека денес се „поинаква компанија“.

Убер-датотеките се збирка од повеќе од 124.000 записи, вклучувајќи 83.000 е-пошта и 1.000 други датотеки што вклучуваат разговори, кои се протегаат од 2013 до 2017 година.

Младиот банкар по име Макрон

Во август 2014 година, амбициозен поранешен банкар по име Емануел Макрон штотуку беше назначен за министер за економија. Тој го гледаше Убер како извор на раст. Париз беше првиот град во Европа каде Убер беше лансиран, а веднаш нагрнаа насилните протести.

Истиот октомври, Макрон одржа состанок со  директорот, г-дин Тревис Каланик и други директори и лобисти. Лобистот на Убер, Марк Мекган, го опиша состанокот како „спектакуларен, (состанок) каков што никогаш не сум видел“, покажуваат датотеките.

– Наскоро ќе танцуваме -додаде тој.

Емануел и Тревис се сретнале најмалку четири пати, покажуваат досиејата, во Париз и на конференцијата на Светскиот економски форум во Давос, Швајцарија. Во еден момент од Убер му пишуваат на Макрон велејќи дека се „исклучително благодарни“.

„Отвореноста и добредојде што ги добиваме се невообичаени во односите меѓу владата и индустријата.

Ќе го смениме законот поради Убер

На 25 јуни 2015 година, протестите станаа насилни, а една недела подоцна Макрон му испратил порака на Каланик со очигледна понуда за помош.

„(Јас) ќе ги соберам сите следната недела за да ја подготват реформата и да го исправиме законот.

Истиот ден, Убер објави суспензија на УберPop во Франција. Месеци подоцна, г-дин Макрон потпиша декрет за олеснување на барањата за лиценцирање на возачите на Убер.

Нели Крос ја спречила рацијата во Убер

Досиејата ја откриваат и врската на Убер со една од највисоките европски функционерки, заменик-претседателката на Европската комисија, Нели Крос. Таа лобирајќи прекршила правила на ЕУ кои велат дека доколку некој комесар ја напушта функцијата, треба да ја „замрзне“ својата работа 18 месеци, период во кој треба да биде избран нов комесар.

Нели Крос работела на ревизија на големи корпорации во ЕУ, како Мајкрософт и Интел кои лично ги казни поради политиките за конкуренција, но тоа не го стори со Убер. Во нејзината родна Холандија Убер направи огромен скандал поради правни проблеми.

Возачите на Убер беа уапсени во октомври 2014 година, а тој декември судија во Хаг го забрани УберPop, заканувајќи се со казни до 100.000 евра. Во март 2015 година, холандската полиција изврши рација во канцеларијата на Убер во Амстердам.

Е-поштата вели дека г-ѓа Крос ги повикала министрите и другите членови на владата за да ги убеди да се повлечат за време на рацијата. За време на друга рација една недела подоцна, г-ѓа Крос повторно контактирала со холандски министер во шоуто „Uber Files“ и, според напишаното од е-поштата, го „малтретирала“ шефот на холандската државна служба.

Досиејата покажуваат дека компанијата сакала г-ѓа Крос да пренесува пораки до канцеларијата на холандскиот премиер Марк Руте.

- Advertisement -spot_img
- Advertisement -spot_img
- Advertisement -spot_img

СПОРТ

[popmake-52754]

НАЈНОВО