17.9 C
Ohrid
Tuesday, September 27, 2022

Двајца дехидрирани велосипедисти се загубиле кај селото Кожле

НАЈЧИТАНО

Центарот за управување со кризи (ЦУК) информира дека денеска во драматична спасувачка акција се спасени два велосипедиста, многу дехидрирани и снеможени кога биле пронајдени во суровиот предел без вода, коишто после скопското село Кожле, залутале во пределот по многуте ридски патчиња, барајќи ја старата црква и гробишта надвор од селото, наведено е во соопштението на ЦУК.

„Живописната црква и гробишта се на неколку километри пред, односно над реката Пчиња оградени со камена ограда, но и со вегетација којашто ги затскрива од поглед. Акцијата за спасување е кооринирана и во директна комуникација на ЦУК и со изгубените и со припадниците на Министерството за внатрешни работи – Полицијата и со Брзата помош. Конкретно, денеска во еден од најтоплите денови во овој период, преку 112, по добивањето на информацијата околу 15.00 часот, од Секторот за операции и координација во ЦУК веднаш биле активирани искусните оперативни дежурни работници од Регионалниот центар за управување со кризи (РЦУК) Град Скопје. Биле лоцирани изгубените и дехидрирани велосипедисти во координација со полицијата. Оперативците од ЦУК биле постојана комуникација и со тимот полицајци на терен и со изгубените велосипедисти коишто покажувале сѐ повеќе и поголеми знаци на голема дехидрација и снеможеност, дури и преку слабениот говор при комуницирањето преку телефон“, се вели во соопштението.

Тимот полицајци само до некаде можел да оди со теренско возило, а потоа два припадника на полицијата продолжиле пешки да трагаат по изгубените, со кои стапиле во телефонски контакт.

„Полицајците пешки и самите изморени од многу топлото и спарно време, но упорни во потрагата за да спасат човечки животи, ги пронашле изгубените велосипедисти живи и здрави, околу 16.00 часот, но многу дехидрирани и снеможени, бидејќи ја испиле сета вода што ја носеле, а биле на терен цел ден. Затоа паралелно е контактирано со Брза помош за да дојде, додека ги извлекуваат, на договорена точка со спасувачкиот тим полицајци, на прооден пат за амбулантно возило, медицински да бидат згрижени и третирани во покус временски период. Припдниците на МВР, во оваа случка покажал големи квалитети и упорност, за да ги спасат изгубните во нашата, но сепак опасна природа при многу топло време, а и за да го скусат времето на пруѓање помош, односно што побрзо да ги извлечат изгубените за да добијат на време медицинска помош“, се вели во соопштението на ЦУК.

Фото: Pixabay

- Advertisement -spot_img
- Advertisement -spot_img
- Advertisement -spot_img

СПОРТ

[popmake-52754]

НАЈНОВО