22.9 C
Ohrid
Tuesday, August 9, 2022

Дали треба да пиеме чаша вода веднаш штом ќе станеме? Еве што велат експертите

НАЈЧИТАНО

Водата за пиење е од суштинско значење за здравјето на целото тело. Водата му помага на вашето тело да функционира правилно со регулирање на телесната температура, поддршка на варењето, намалување на оптоварувањето на бубрезите и црниот дроб со исфрлање на отпадните производи и оптимизирање на моќта на мозокот.

Дури и блага дехидрација може да доведе до симптоми како што се главоболка, зашеметеност, раздразливост, тешкотии со концентрирање и замор, потврдија истражувањата.

„Водата сочинува околу 60 проценти од нашата телесна тежина и е од суштинско значење за функционирањето на нашето тело“, тврди диететичарот Мишел Кардел.

Бидејќи е неопходно, понекогаш се претерува со вода. Постојат многу гласини за магичните моќи на водата, а неодамна една од нив е поврзана и со тоа кога да се пие вода. Некои поединци тврдат дека пиењето чаша вода е првото нешто што треба да го направиме откако ќе станеме. Тие веруваат дека го подобрува здравјето, помага при слабеење и многу повеќе, пренесува Индекс.

Кои се здравствените придобивки од пиењето вода наутро?
Останувањето хидрирано во текот на денот е важно за целокупното здравје, така што пиењето вода порано во текот на денот може да ви помогне да ја постигнете вашата дневна цел.

„Редовното пиење вода, почнувајќи од наутро, може да спречи дехидрација. Но, нема магично количество вода што ви треба на почетокот на денот“, вели диететичарот Мишел Кардел.

Бојата на урината може да биде показател за тоа колку вода му треба на вашето тело. Ако вашата урина е бледо жолта, веројатно пиете доволно вода, додека темно жолтата може да значи дека треба да го зголемите внесот на вода.

Што не може да направи пиењето вода наутро?
Пиењето вода наутро го зголемува чувството на ситост, е едно од тврдењата на кои наидовме на интернет. Според Кардел, ова е мит.

„И покрај перцепцијата дека пиењето вода може да направи да се чувствувате посити и затоа помага во слабеењето, нема доволно докази за поврзување на внесот на течности со зголеменото ситост или губење на тежината“, објасни таа.

Друго тврдење е дека пиењето вода наутро може да ви помогне да согорите повеќе калории во текот на денот.

„Достапните истражувања не ја поддржуваат идејата дека само пиењето вода може да го зголеми количеството на потрошени калории“, предупреди Кардел.

Експертите заклучуваат дека времето на внесување вода не е ни приближно важно како пиењето доволно вода во текот на денот.

„Балансот останува еден од најважните принципи за правилна исхрана. Со премалку внесување вода постои ризик од дехидрација, додека со преголем внес на вода може да доживеете хипонатремија и да имате екстремно низок натриум во крвта“, вели Бремер.

- Advertisement -spot_img
- Advertisement -spot_img
- Advertisement -spot_img

СПОРТ

НАЈНОВО