2.9 C
Ohrid
Sunday, November 27, 2022

Градоначалникот на Мариупол бара евакуација на жителите

НАЈЧИТАНО

Градоначалникот на Мариупол Вадим Бојченко денеска изјави дека неговиот град е во рацете на руските сили по неколкунеделната опсада.

– Не е се во наша моќ. За жал, денеска сме во рацете на окупаторите – рече Бојченко во телевизиско интервју во живо, пренесе Си-Ен-Ен.

Бојченко повика на евакуација на преостанатите жители на Мариупол, кој имаше над 400.000 жители пред Русија да започне инвазија врз Украина на 24 февруари.

– Според нашите проценки, околу 160.000 луѓе денес се во опколениот град Мариупол, каде што е невозможно да се живее, бидејќи нема вода, струја, греење, нема комуникации, а тоа е навистина страшно – рече Бојченко.

Си-Ен-Ен истакнува дека не е познато дали се уште има борби во градот.

Украинските власти тврдат дека руските сили спречиле хуманитарни конвои безбедно да се приближат или да излезат од градот.

– Потребна ни е целосна евакуација од Мариупол. Нашата најважна мисија денес е да го спасиме секој живот… И има надежи дека ќе успееме. На пример, има 26 автобуси кои треба да одат до Мариупол за да евакуираат, но за жал, тие не добија дозвола за движење – појасни градоначалникот.

Генералниот секретар на ОН Антонио Гутереш денеска изјави дека го овластил шефот на хуманитарната организација да ја истражи можноста за хуманитарен прекин на огнот во Украина меѓу инволвираните страни.

Гутереш повика и на итен хуманитарен прекин на огнот „за да се овозможи напредок во сериозните политички преговори насочени кон постигнување мировен договор заснован на принципите на Повелбата на ОН“.

Гутереш изјави дека побарал од шефот за хуманитарна помош на ОН Мартин Грифитс „веднаш да ги истражи со вклучените страни можните договори и аранжмани за хуманитарен прекин на огнот во Украина“.

- Advertisement -spot_img
- Advertisement -spot_img
- Advertisement -spot_img

СПОРТ

[popmake-52754]

НАЈНОВО