25.9 C
Ohrid
Tuesday, August 9, 2022

Вучиќ се надева на смирување на ситуацијата во Косово

НАЈЧИТАНО

Претседателот на Србија, Александар Вучиќ, доцна синоќа во телефонско јавување на ТВ Пинк изјави дека се надева на деескалација на ситуацијата на Косово, јави дописникот на МИА од Белград.

– Сега го завршивме состанокот во Генералштабот, пред тоа генералот Милан Мојсиловиќ (началник на ГШ на Војската на Србија) разговараше со командантот на КФОР. Важно е што разговорот се одвиваше во коректна атмосфера, на професионален начин и се прифатија обврските на двете страни, пред се во размената на информации, бидејќи имаше многу невистини и дезинформации. На полноќ очекуваме разговор со командантот на КФОР, Горан Ракиќ и претставници на Србите. Побаравме од меѓународните институции да влијаат на албанската страна да ги одложи одлуките пред да се сретнеме повторно во Брисел и се да се реши на мирен начин. Се надевам дека ситуацијата ќе деескалира вечерва или утре – рече српскиот претседател.

Тој изрази голема благодарност до Србите од Косово за воздржаноста, како и на оние кои ја поддржаа Србија, додавајќи дека се работи на смирување на состојбата.

– Колку и да беше тешко, нема да има предавање, Србија ќе победи – нагласи Вучиќ и изјави дека акцијата на Приштина на Косово е одамна планирана, но и дека Белград прави се за да ја смири ситуацијата.

Тој посочи дека според се она што е направено и кажано се покажало колку долго се подготвувала акцијата на напад врз Србија.

– Од регионалните до другите безбедносни служби до медиумите на оние земји кои однапред ја обвинија Србија дека е јасно да по налог на Русија ќе изврши инвазија на таканаречената суверена земја, иако според меѓународните акти тоа е наше земја – рече Вучиќ.

Тој додаде дека имало луди објаснувања дека Србија нема права, а другите имаат, и кажа дека тоа е подготвена матрица и да се види како ќе изгледа кога ќе дојде до посериозни инциденти.

- Advertisement -spot_img
- Advertisement -spot_img
- Advertisement -spot_img

СПОРТ

НАЈНОВО