21.5 C
Ohrid
Saturday, August 20, 2022

Вечерва се отвора манифестацијата „Десет дена Крушевска Република“

НАЈЧИТАНО

Манифестацијата научни културни средби „Десет дена Крушевска Република“, која ги претставува културата, традицијата и историјата на Крушево, ќе биде отворена вечерва на месноста Гумење, во организација на Општина Крушево.

На манифестацијата ќе се обрати премиерот Димитар Ковачевски, кој годинава ја предводи владината делегација во Крушево, на прослава на националниот празник Илинден.

Претходно, коњаницата, која тргна од скопската населба Лисиче, ќе дојде пред столбот на Крушевската Република, ќе се формира поворка, по што делегацијата за полагање цвеќе со коњаницата ќе се упати кон Гумење. Ќе биде положено цвеќе пред бистата на Веле Марков, на гробот на Питу Гули, на гробот на Тоше Проески, пред споменикот на партизанските гробишта, Криптата на илинденските востаници.

Во рамки на програмата предвидена е посета на спомен-куќата на Смилевскиот Конгрес и полагање цвеќе пред споменикот на Дамјан Груев.

По отворањето на манифестацијата пред споменикот „Илинден“ ќе настапат Националната филхармонија и хорот на Национална опера и балет, ансаблот „Танец“ и балерината Ивана Коцевска.

На платото кај Гумење ќе биде прочитан Крушевскиот манифест и ќе се обрати претседателот на Советот на НКС „Десет дена Крушевска Република“, м-р Томе Христоски.

Според програмата, на крајот од вечерта концерт ќе одржи Камерниот оркестар, а ќе настапат и неколку македонски пејачи. Централната манифестација по повод Илинден ќе се одржи утре на Мечкин Камен.

- Advertisement -spot_img
- Advertisement -spot_img
- Advertisement -spot_img

СПОРТ

НАЈНОВО