7.9 C
Ohrid
Thursday, December 1, 2022

Браќата Кличко: Ќе се бориме до последната капка крв

НАЈЧИТАНО

Како што се интензивираат нападите врз главниот град на Украина, светот го напуштаат силни пораки.

Градоначалникот Виталиј Кличко и неговиот брат Владимир зборуваа за Си-Ен-Ен за одбраната на Киев и за можностите на граѓаните да се одбранат од руската агресија.

Мотивирани граѓани
Поранешните боксери тврдат дека граѓаните на Киев се подготвени на се за да се одбранат и дека градот ќе го бранат до последен човек.

– Целата земја е мотивирана да ја запре руската агресија и војна. Нема ништо што може да ги поколеба нашите жени и мажи. Сите ние стоиме обединети да се браниме, бидејќи ова е наша земја. Тука нашите деца одат на училиште, нашите семејства се закопани овде. Ова е наше и нема начин да одиме, бидејќи ова е нашиот дом. Затоа ќе се браниме до последната капка крв – изјави Владимир Кличко, поранешен светски шампион во бокс.

Тој даде силна порака
Неговиот брат Виталиј, кој е и градоначалник на Киев, даде силна порака до остатокот од светот кога одбраната на земјата е во прашање, а на прашањето колку време мисли дека Украинците имаат во главниот град, тој рече дека имаат многу од време.

– Колку време имаме? Имаме многу време, затоа што се бориме за своите домови и никогаш нема да бидеме поразени. Имаме многу време бидејќи сите граѓани се борат против рускиот агресор. Сите. И тие не се откажуваат. Затоа ќе продолжиме да се браниме. Клучот за ставање крај на оваа војна ќе биде единството во светот. Мораме да извршиме притисок, политички притисок, санкции и светот мора да ни испрати оружје. Подготвени сме да се бориме, не само за нашите градови, не само за нашата земја. Се бориме за истите принципи и вредности како и остатокот од светот. Тоа може да започне се во Европа и во остатокот од светот – изјави постариот брат на Кличко за Си-Ен-Ен.

- Advertisement -spot_img
- Advertisement -spot_img
- Advertisement -spot_img

СПОРТ

[popmake-52754]

НАЈНОВО