5.9 C
Ohrid
Thursday, February 2, 2023

Берлин широко ги отвора портите за доселеници од Македонија?

spot_img
spot_img
spot_img
- Advertisement -

Германските власти планираат да ја удвојат квотата за доселување на неквалификувани работници од Северна Македонија и соседството, пишува во предлогот на законот кој го има на увид германската новинска агенција ДПА. Во иднина би требало да има до 50.000 доселеници повеќе.

Станува збор за т.н. „Западнобалканско правило“, кое овозможува повластен пристап до германскиот пазар на труд за државјани од Северна Македонија, Србија, Босна и Херцеговина, Црна Гора, Албанија и Косово.

Што е тоа „Карта со шанси за барање работа“?

Според важечките закони, можно е доселување на стручна работна сила од цел свет. Единствено луѓето од Балканот можат да добијат работа и работна виза дури и ако работат вон струката или без стручни квалификации.

Тоа правило беше воведено по првиот бран на бегалската криза во 2015 и 2016 година, бидејќи меѓу барателите на азил во Германија, покрај Сиријци беа и бројни државјани од Србија, БиХ и Косово. Идејата на Берлин беше луѓето од регионот, наместо безизгледно да бараат азил, да се обидат да најдат работа во Германија.

Тоа не е единствена измена во законот кој е во подготовка, со новини се планира спротивставување на „драматичниот недостиг од работна сила во бројни бранши“, оценува ДПА.

Во промените спаѓа и т.н. „карта со шанси за барање работа“, односно можност луѓето едноставно да се доселат во Германија и дури тогаш, на лице место, да бараат работа. За тоа време имаат право да работат со половина работно време вон струката, за да заработат за живот.

Собирај бодови и барај работа!

„Картата со шанси за барање работа” би требало да се доделува, според нов систем на бодирање, на секој кој ќе собере шест поени.

Четири бода донесува одредена стручна квалификација, три бода носи добро познавање на германскиот јазик или три години работно искуство, два поени се добиваат ако лицето е помладо од 35 години, а еден ако порано барем шест месеци легално престојувало во Германија.

Германија ја мачат демографски промени и голем број испразнети работни места. Се смета дека е неопходно доселување на околу 400.000 луѓе годишно за да можат да функционираат економијата, здравството и негата на стари лица.

Притоа постојано со едно око се гледа на Западен Балкан, како и натаму баран резервоар на работна сила. Тоа пак ги продлабочува огромните демографски проблеми на Балкан, што потврдуваат и најновите пописи на населението, пишува Дојче Веле.

- Advertisement -spot_img
- Advertisement -spot_img
- Advertisement -spot_img

Имунолог: Зголемен бројот на заболени од грип, препорачувам вакцинација

Имунологот Милош Марковиќ од Институтот за микробиологија и имунологија на Медицинскиот факултет во Белград посочи дека бројот на заболени од грип во Србија е...

Со остра реакција го предупреди западот, нивниот потег нема да остане без одговор

Портпаролката на руското Министерство за надворешни работи Марија Захарова денеска изјави дека обидот на Западот да го конфискува рускиот имот нема да остане без...

Косово постави шест услови за формирање на ЗСО

Премиерот на Приштина, Албин Курти, денеска на седницата на Собранието во Приштина презентираше шест услови за формирање на Заедницата на српски општини (ЗСО), пренесува...
spot_img
spot_img
spot_img